Matius 8:3 - En Taar Weru a nunuwu' é Tontemboan

³ Wo yulur i Yesus eng kama-Na e misu' si tou itu wo kumua, “Icasalé'-Ku, masama'o ko.” Asi témpo ituke' imasama'o eng kusta i tou itu.

Matius 8:3 ပူးပေါင်းရင်းမြစ်များ

Matius 12:13

Wo icua i Yesus a si tou itu, “Yuluro mai eng kamamu!” Wo yulurna eng kamana, wo asi témpo ituke' imasama'o eng kamana itu puté wo si kamana esa.

Markus 1:41

Wo mai eng kaupusan i Yesus a si tou itu. Yulur i Yesus eng kama-Na e misu' si tou itu wo kumua, “Icasalé'-Ku, masama'o ko!”

Markus 4:39

Si Yesus mapolo wo peréntan-Na en deges itu wo kumua asi lour itu, “Menes! Mentengo!” Wo en deges menteng wo en sempa' an lour itu wutu-wutul malener.

Markus 5:41

Wo timboian-Na eng kama i toyaang itu, wo icua-Na, “Talita kum” eng kaangéanna “Éi toyaang wéwéné, icua-Ku ai co, tumooro!”

Markus 7:34

Wo si Yesus kumanat angé an langit, Sia méso' in aseng wo kumua, “Efata!” eng kaangéanna: “Mawuka'o!”

Markus 9:25

An tutuw sérén i Yesus kelio sé tou mai mali'us am bitu, romaan-Na repet si roh léwo' itu. Icua-Na, “Éi roh léwo' si méma'o si tou imawowo' wo imawengel. Peréntan-Ku ko, kumesot asi toyaang anio' wo ra'io toro ka'i rumasuk sia!”

Lukas 4:27

Tanu siitu ka'i an jaman i nabi Elisa, an tana' Israel keli sé tou sumakit kusta. Taan ra'ica wana mandé esake' tou en sinama' i Amang Kasuruan, aluar si esa tou Siria, makangaran Naaman.”

Lukas 5:13

Kelinga in itu, yulur i Yesus eng kama-Na e misu' si tou itu wo kumua, “Icasalé'-Ku, masama'o ko.” Asi témpo ituke', icatalao en sakit kustana.

Lukas 7:14

Kumawus in itu, Sia rumuru mangé ang kalékos itu, wo timboien-Na. Sé tou makawuléng ing kalékos itu makala'us mento', wo icua-Na, “Éi mangalitou, icua-Ku ai co tumooro!”

Yohanes 11:43

Kekawus ako Sia kumua in taniitu, Sia rumoma' in taangko', “Lazarus, kumesoto mai!”

Yohanes 15:24

Sa ra'ica niéma'-Ku en tuu-tuus kakaya'kaan sé ra'ica kawisa émaan é tou walina, tantu séra ra'ica iméma' ing kamesé-meséaan. Taan intarépé' mandé ka'i sinéré érao pakasa sé niéma'-Ku, taan Yaku wo Si Amang-Ku kasake' ipasuu-suut éra.

Yohanes 5:21

Si Amang tumou sumawel sé tou imaté wo émaan-Na séra menonou akar ing kauré-uré. Taniitu ka'i Aku Toyaang-Na, si séike' en icasalé'-Ku, émaan-Ku oka sia menonou akar ing kauré-uré.