Matius 8:26 - En Taar Weru a nunuwu' é Tontemboan

²⁶ Icua-Na ai séra, “Kéitu réén kamu maindé', éi camu sé ra'ipé' talos maéman?” Wo si Yesus tumulung wo peréntan-Na en deges wo en lour itu, akar en lour wutu-wutul malener.

Matius 8:26 ပူးပေါင်းရင်းမြစ်များ

Matius 16:8

An tutuw kinailekan i Yesus sapa em pemaa-maaren éra, wo icua-Na, “Kéitu réén ipapaar iow andumoro' in da'ica wana roti? Éi camu sé tou ra'ipé' talos maéman!

Matius 17:20

Wo isowat i Yesus ai séra, “Kamu ra'ica makawoo musér si sétang itu ampa'paan kamu ra'ica mauli-ulit maéman. En ulitna icua-Ku mangé ai camu, sa kamu uli-ulit maéman, mandé em paémanen iow waya ka'i in sangatekic puté im batuna tumeki-tekic, kamu ro'na rumu'du' si kuntung anio', ‘Icaérao mangé!’, tantu eng kuntung itu icaéra oka. Anaé, pakasa ro'na émaan iow, sa kamu uli-ulit maéman. [

Matius 6:30

Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Ra'ica réén icamu en émaan-Na lébé pasung, éi tou sé ra'ipé' talos maéman?

Matius 8:27

Sé tou itu ka'i mangaya'ka' wo kumua, “Tou tanu sapa réén Sia, akar en deges wo en lour ka'i kumiit im perénta-Na?”

Lukas 4:35

Wo sia réndéren i Yesus, “Menes, kumesot ai sia ko!” Wo iwalintuang i sétang si tou itu an dior é tou keli wo sia kumesot asi tou itu taan en owak i tou itu ra'ica sapa-sapa.

Roma 4:20

Si Abraham uli-ulit maéman wo ra'ica marua-rua wasa a si janji i Amang Kasuruan itu. Taan em paémanenna itu makaketerke' taré akar sia rumayo wo sumiri' a si Amang Kasuruan.

Wahyu 10:2

Eng kamana makatimboi ing gulungan kitap teké' si makawuka'. Eng kécéi kakanna am bawo in ta'sic wo eng kécéi ka'birina am bawo ing katanaan.