Matius 8:20 - En Taar Weru a nunuwu' é Tontemboan

²⁰ Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Matius 8:20 ပူးပေါင်းရင်းမြစ်များ

Matius 12:32

Sa awéan tou manuwu' en sumundur si Toyaang i Tou, si tou itu ampungan oka. Taan sa sé ipanuwu'na maojat si Roh Le'nas, sia ra'ica kawisa kaampungan, intarépé' wo ka'i akar ing kauré-uré.”

Matius 12:40

Ampa'paan kaputé i nabi Yunus mento' an untep im poot i sera' wangker telu ngando wo telu ngawengi, taniituo ka'i mai si Toyaang i Tou mento' oka an untep ing kubur telu ngando wo telu ngawengi.

Matius 12:8

Ampa'paan si Toyaang i Tou awéan kawasa en tumu'tul im baya-waya icauntep in atoran in endo Sabat.”

Matius 13:37

Wo isowat i Yesus, “Si tou imuras in lulumbo loor, siao si Toyaang i Tou.

Matius 16:13

Kekawus i Yesus icateka' an sangkum ing Kaisarea Filipi, wuéien-Na a sé murit-Na, “Pakua é tou, si séi réén si Toyaang i Tou itu?”

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Matius 17:9

An tutuw éra maperos ing kuntung, icua i Yesus ai séra, “Ra'ipé' toro icua miow a sé tou walina sapa en sinéré miow tarépé'! Icua oka miow en itu sa si Toyaang i Tou tumouo sumawel an uner é tou imaté.”

Matius 19:28

Icua i Yesus ai séra, “En ulitna icua-Ku mangé ai camu, ang kayo'baan weru, si Toyaang i Tou lumukut oka am palukutan-Na iparayo-rayo wo pasiri-siriin e makim waya sé tou. An tutuw itu, kamu im baya é murit-Ku lumukut oka ka'i asi sangapulu' rua palukutan pasiri-siriin mewali-wali wo Yaku e makim sé sangapulu' rua suku é Israel.

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Lukas 12:8

“Si séi e mangaku an dior é tou sapaoka sia makiit Yaku, sia ka'i pangakun oka i Toyaang i Tou an dior é malaékat i Amang Kasuruan.

Lukas 18:8

Icua-Ku ai camu: Em perkara é tou sinisir-Na itu makala'us oka bélan-Na! Taan sa si Toyaang i Tou maai sumawel, ra'ipé' tantu sa Sia makérépé' tou sé maéman ai Sia ang kayo'baan anio'.”

Lukas 2:12

Si anioo en tuusna ai camu wosama' katuusan iow si toyaang teké' itu: Kaséréan iow oka esa toyaang teké', pakasaputen ing kaéng wo ipakatekel am pawa'uban é binatang.”

Lukas 2:16

Wo séra mario-rior angé am Betlehem. Wo peta'up éra si Maria wo si Yusuf ang karapi i Toyaang itu si ipakatekel am pawa'uban é binatang.

Lukas 2:7

Wo sia makéré esa toyaang tuama, toyaangna luluna. Wo si toyaang itu saputenna ing kaéng, itekelna am pawa'uban é binatang ampa'paan séra ra'ica imakéré walé in loséran.

Lukas 21:36

Ampa'paano in itu matéi-téiro mangé kamu wo menomba-nombayango mangé, wosama' kamu keter en sumangkum ing kawenduan sé mamuali oka sa wo ka'i makawoo tumulung an dior i Toyaang i Tou tutuw Sia mai makim icamu.”

Lukas 8:3

Wo awéan ka'i si wéwéné makangaran Yohana penanaan i Khuza. Si Khuza anio', kikiiten mengaurus in doit i colano Herodes. Wo awéan ka'i si Susana wo keli sé wéwéné walina. Séra mengaselewir a si Yesus wo sé murit-Na mapaké ing kasiyaan éra.

Lukas 9:58

Isowat i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Yohanes 1:51

Icua ka'i i Yesus, “En ulitna icua-Ku mangé ai camu, sérén iow oka en langit mawuka' wo sé malaékat i Amang Kasuruan sumosor wo meros maai a Yaku Toyaang i Tou.”

Yohanes 12:34

Wo icua é tou keli itu a si Yesus, “Kailekano ami ang Kitap Le'nas, si Mesias menonou oka akar ing kauré-uré. Tumambisa réén wona' icua-Mu si Toyaang i Tou musti irangka' ang kayu salip? Si séi réén si Toyaang i Tou itu?”

Yohanes 13:31

Kekawus i Yudas imangé, rumoma'o si Yesus, “Intarépé' an témponao Aku, si Toyaang i Tou iparayo-rayo wo pasiri-siriin oka, wo ampa'paano Yaku si Amang Kasuruan iparayo-rayo wo pasiri-siriin oka.

Yohanes 3:13

Ra'ipé' wana esaan tou ka'i en sumangkumo imangé an sorga. Wayake' Yaku si Toyaang i Tou si mai an sorga owo, anaé Yakuo si makailek andumoro' sé an sorga.

Yohanes 3:14

Wo an tutuw é apo-apo'ta an tana' kapayasan, wo émaan i Musa esa koloi' an tambaga owo wo iwérénna si coloi' itu asi sangapokol kayu. Taniitu ka'i si Toyaang i Tou, musti iwérén an tiang ing kayu,

Yohanes 6:27

Tioo matawoi e makéré ing kakanen si ro'na maka'pu wo mawuruk, taan tumawoio mangé e makéré ing kakanen si ra'ica kawisa mawuruk wo si mawéé ing katouan akar ing kauré-uré. Si méé ing kakanen itu ai camu Yakuo si Toyaang i Tou, ampa'paan Aku aitantuo i Amang Kasuruan e méé ing kakanen itu.”

Yohanes 6:53

Wo icua i Yesus ai séra, “En ulitna icua-Ku ai camu, sa ra'ica kanen iow en owak-Ku si Toyaang i Tou wo melep in enda'-Ku, kamu ra'ica menonou akar ing kauré-uré.

Yohanes 6:62

Sa ra'ica icasalé' miow, tumambisa réén sa sérén iow Aku Toyaang i Tou icaangkai angé an tampa-Ku owo?

Kisah Para Rasul 7:56

Wo icua i Stefanus, “Uli-ulit, kinaséréanku en langit imawuka' wo si Toyaang i Tou makatulung ang kakan i Amang Kasuruan.”

2 Korintus 8:9

Ampa'paan kailekano miow en upus aitambér i Apo'ta Yesus Kristus ai camu: Mandé ka'i Sia siya', taan torona ing kapentingan iow, niéma'-Na en owak-Na malengéi, wosama' kamu masiya'.