Matius 8:17 - En Taar Weru a nunuwu' é Tontemboan

¹⁷ En itu imamuali wosama' malekep en taar si aicua i nabi Yesaya, “Siao e muléng ing kalembianta wo tumanggong in sakitta.”

Matius 8:17 ပူးပေါင်းရင်းမြစ်များ

Matius 1:22

Pakasa en itu mamuali wosama' malekep sapa en aicua i Amang Kasuruan a si nabi-Na indior:

Matius 2:15

Wo séra mento' a mangé mbitu akar i colano Herodes maté. Pakasa en itu mamuali wosama' malekep sapa si aicua i Amang Kasuruan a si nabi, “Towan-Ku si Toyaang-Ku a Mesir owo.”

Matius 2:23

Icateka' mangé séra ang Galilea, séra mento' ang kota makangaran Nazaret. Wo in taniitu, en taar sé aicua é nabi andumoro' i Toyaang itu imamualio: Sia tuulen oka “Tou Nazaret.”

Markus 1:32

Tutuw matawio im bengi, keuntep ako i yéndo wo iwali éra mai waya sé tou sumakit wo sé tou rinasuk i sétang a si Yesus.

Lukas 4:40

Keuntep ako i yéndo, sé tou keli mai a si Yesus aiwali éra mai waya sé tou membam-balinaan en sakit. Wo si Yesus maro ing kama ai séra esa wo si esa wo sumama' séra.

2 Korintus 12:10

Ampa'paan in ituo en atéku arui an tutuw aku ra'ica keter. Yaku ka'i arui mandé ipaséro', mawendu, pinaokoi, ang kasusaan ampa'paan makiit asi Kristus. Ampa'paan an tutuw aku ra'ica keter, yaku maketer ampa'paan i Kristus.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.