Matius 8:16 - En Taar Weru a nunuwu' é Tontemboan

¹⁶ An tutuw matawio im bengi, iwali éra mai waya a si Yesus sé tou rinasuk i sétang, wo ang karapi i makasake' numuwu' yusér-Na sé roh léwo' itu wo samaan-Na waya sé tou sumakit.

Matius 8:16 ပူးပေါင်းရင်းမြစ်များ

Matius 12:22

Kekawus in itu, iwali éra mai a si Yesus si esa tou si rinasuk i sétang. Si tou itu wola wo wowo', wo sia samaan i Yesus akar ro'nao maroma' wo maséré.

Matius 14:14

Icateka' mangé en londéi pakasakéan i Yesus, sérén-Na keli en tou wo mai eng kaupusan-Na ai séra wo sé tou sumakit sinama'-Na.

Matius 8:15

Timboian-Na eng kama i wéwéné itu wo icatalao en sakit paso'na. Sia ka'i tumoor wo selewirenna si Yesus.

Matius 8:33

Wo sé matéir sé wawi itu tumincas angé ang kota, icateka' mangé ang kota, wo isisil éra waya eng kamamualian itu, wo ka'i andumoro' sé imamuali a sé rua tou sé rinasuk é sétang.

Matius 9:2

Wo paalinai é tou a si Yesus si esa tou késo' aitekel am patekelanna. An tutuw sérén-Na em paémanen éra, kinailekan-Nao sapaoka séra maéman ai Sia, wo icua-Na a si tou késo' itu, “Ketereno mangé en atému éi toyaang-Ku, eng kamesé-meséaanmu niampungano.”

Markus 2:3

Ang karoro'an in itu iwali mai é tou a si Yesus si esa tou késo' si winuléng é epat tou.

Markus 5:8

Aicuana in taniitu ampa'paan aicua owo i Yesus a si tou itu, “Éi roh léwo'! Kumesot ko asi tou itu.”

Markus 9:25

An tutuw sérén i Yesus kelio sé tou mai mali'us am bitu, romaan-Na repet si roh léwo' itu. Icua-Na, “Éi roh léwo' si méma'o si tou imawowo' wo imawengel. Peréntan-Ku ko, kumesot asi toyaang anio' wo ra'io toro ka'i rumasuk sia!”

Lukas 13:12

Keséré i Yesus si wéwéné itu wo towan-Na, icua-Na, “Inang, en sakitmu imasama'o.”

Lukas 4:40

Keuntep ako i yéndo, sé tou keli mai a si Yesus aiwali éra mai waya sé tou membam-balinaan en sakit. Wo si Yesus maro ing kama ai séra esa wo si esa wo sumama' séra.

Lukas 4:41

Wo a sé tou keli kumesot ka'i sé sétang wo mengangko-ngangko', “Icoo si Toyaang i Amang Kasuruan.” Wo péronen i Yesus séra, ra'ica iwéé-Na rumoma' ampa'paan kailekano éra sapaoka Sia itu si Kristus.

Kisah Para Rasul 5:15

Sé tou sumakit iwali é tou an tembir in lalan wo itekel éra am patekelan wo an tepé. Séra méma' in taniitu wosama' sa si Petrus lumangkoi, sé tou sumakit itu ro'na katenaan im bayangna.