Matius 8:11 - En Taar Weru a nunuwu' é Tontemboan

¹¹ Icua-Ku ai camu, kelian en tou maai oka a micona wo a makona owo en lumukut kuman mewali-wali wo si Abraham, Ishak wo si Yakub an untep ing Kakolanoan in Sorga.

Matius 8:11 ပူးပေါင်းရင်းမြစ်များ

Matius 21:41

Isowat éra a si Yesus, “Tantu paténna oka sé tou léwo' itu, wo en umana itu iséwana oka a sé matawoi walina sé masalé' méé im buéna in uma itu ai sia an orasna in upuun.”

Matius 24:31

Wo iru'du'-Na oka sé malaékat-Na kumesot sumengo in trompét taténgé keli, wo ipapali'us-Na ai séra pakasa sé tou sé sinisir-Nao am bisa-wisake' asi kayo'baan anio' tumo'tol asi tempok in langit akar asi tempok in langit.

Matius 3:2

“Mape'diso mangé ang kamesé-meséaan, ampa'paan eng Kakolanoan i Amang Kasuruan makatawio!”

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Lukas 12:37

Pakakamangen sé ata sa kaumaan i tuang éra ang karoro'an i mengento-ngento' sia an tutuw sia i maréngai. En ulitna icua-Ku mangé ai camu, si tuang itu tu'tulo en sumelewir sé atana itu, wo iru'du'na séra lumukut wo wéanna kanen.

Lukas 16:22

Wo si Lazarus itu maté wo sia iwali mangé é malaékat lumukut an diit i Abraham an sorga. Si tou siya' itu ka'i maté wo sia cubur é tou.

Kisah Para Rasul 10:45

Am bitu awéan ka'i sé tou sinunato sé maéman a si Yesus sé icumiitai si Petrus an Yope owo. Séra mangaya-ngaya'ka' an tutuw séra suméré si Amang Kasuruan tumambérai i Roh Le'nas a sé tou ra'ica Yahudi.

Kisah Para Rasul 11:18

Kelinga in itu, sé tou Yahudi sé maémano a si Yesus ra'io ka'i tumantang si Petrus. Wo séra rumayo si Amang Kasuruan wo kumua, “Anaé, sé tou ra'ica Yahudi ka'i tinambérano mai i Amang Kasuruan kamang e mape'dis wo makéré ing katouan akar ing kauré-uré.”

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 14:27

Icatéka' mangé an Antiokhia, towan éra sé jamaat e maumung. Wo sisil éra in dua pakasa sé niéma' i Amang Kasuruan ai séra. Sisil éra ka'i tambisa si Casuruan muka' in lalan akar sé tou ra'ica Yahudi ro'na maéman a si Yesus.

1 Korintus 15:20

Taan en ulitna sapaoka si Kristus tinouo sumawel an uner é tou imatéo. Siao eng kumataré-taré tinou sumawel, taniitu ka'i sé tou maéman sé imatéo, touen oka ka'i sumawel.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

Efesus 3:6

Wo si anioo em pawasa-wasan-Na sé icaenep itu: Sé tou ra'ica Yahudi kumiit makéré im bagéan asi Amang Kasuruan owo ampa'paan séra maéman in Abar Kaaruien andumoro' i Yesus Kristus. Wo séra imamualio esa owak, wo mekiit makéré ing kama-kamang sé aijanjio i Amang Kasuruan ampa'paan i Kristus Yesus.

Kolose 3:11

Wo in taniitu, kamu sé mamualio weru, ra'io wana em bédana, tou Yunani kuma'pa tou Yahudi, tou sinunat kuma'pa tou ra'ica sinunat, tou Barbar kuma'pa tou Skit, ata kuma'pa ra'ica ata, pakasa waya puté. Taan si penting keli si Kristus wo Sia menonouo an owak iow im baya.

2 Tesalonika 1:5

Pakasa en itu mamuali tuus si Amang Kasuruan makim sé tou ang kerapi in da'ica marapit. Kamu intarépé' niokoio ampa'paan ing Kakolanoan i Amang Kasuruan wo ampa'paano in itu kamu ka'i patus muntep ang Kakolanoan-Na.

Wahyu 7:6

asi suku i Asyer sangapulu' rua ngariwu, asi suku i Naftali sangapulu' rua ngariwu, asi suku i Manasye sangapulu' rua ngariwu,