Matius 8:10 - En Taar Weru a nunuwu' é Tontemboan

¹⁰ Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Matius 8:10 ပူးပေါင်းရင်းမြစ်များ

Matius 15:28

Wo icua i Yesus ai sia. “Éi inang, wangko' em paémanenmu. Mamualio ai co tanu ing kasalé'anmu.” Asi témpo ituke', si toyaangna itu imasama'o.

Matius 8:11

Icua-Ku ai camu, kelian en tou maai oka a micona wo a makona owo en lumukut kuman mewali-wali wo si Abraham, Ishak wo si Yakub an untep ing Kakolanoan in Sorga.

Matius 8:9

Ampa'paan yaku awéané' kikiiten sé maperénta yaku. Wo ka'i yaku awéan suraro sé paperéntanku. Sa peréntanku esaan asé suraro-suraro itu ‘Mangé!’, tantu sia mangé. Wo sa peréntanku si esa ‘Mai!’, tantu sia mai, kuma'pa ka'i a si ataku, ‘Tawoien si anio'!’, tantu tawoienna.”

Lukas 5:20

An tutuw sérén i Yesus e niéma' éra, kinailekan-Nao sapaoka séra maéman ai Sia. Wo icua-Na a si tou késo' itu, “Éi poow, eng kamesé-meséaanmu niampungano.”

Lukas 7:50

Taan icua i Yesus a si wéwéné itu, “Ampa'paan ko maéman a Yaku, ico linowiro. Anaé, maya'o mangé ko ang karapi in elur!”

Lukas 7:9

Kelinga i Yesus en aicua éra andumoro' in aitaar i kikiiten é suraro Romawi itu wo si Yesus mangaya'ka' a si kikiiten itu. Wo sérén i Yesus sé tou keli makiit Sia wo icua-Na, “Icua-Ku mangé ai camu, ra'ipé' kawisa ipeta'up-Ku tou makaanu im paémanen wangko' tanu si anio' mandé ka'i an uner é tou Israel.”

Kisah Para Rasul 2:7

Séra im baya wo menguré-ngurésé in do'kos wo mangaya-ngaya'ka' malinga sé tou maéman itu, wo icua éra, “Kailekan ami, sapaoka sé tou maroma' itu tou Galilea.