Matius 8:1 - En Taar Weru a nunuwu' é Tontemboan

¹ Kekawus i Yesus merosio' in tolaina, sé tou keli meréro-rérot makiit Sia.

Matius 8:1 ပူးပေါင်းရင်းမြစ်များ

Matius 12:15

Kailekan i Yesus em pinepaar éra, ampa'paan in itu itela'u- Na en tampa itu. Taan keli en tou sé makii-kiit Sia wo séra im baya sinama'Na.

Matius 15:30

An tutuw itu keli en tou meréro-rérot maai ai Sia. Iwali éra mai sé tou késo', sé tou wola, sé tou kénto', sé tou wowo' wo keli ka'i en sakit walina, wo iweta' éra an dior i Yesus. Wo séra im baya sinama'-Na.

Matius 19:2

Kelian sé tou makiit Sia, wo sé tou sumakit an uner éra sinama'-Na.

Matius 20:29

An tutuw i Yesus wo sé murit-Na tumela'u ing kota Yerikho, keli en tou mengii-ngiit Sia.

Matius 4:25

Ampa'paan in ituo sé tou keli meréro-rérot makiit si Yesus. Séra an sangkum ing Galilea owo, Dekapolis, Yerusalem, Yudea wo an lewet in doyongan Yordan wo mai am bitu.

Matius 7:29

Ampa'paan Sia mengasusui wuta ing kawasa, ra'ica tanu sé makailek wutul in Torat.

Matius 8:18

An tutuw i Yesus suméré sé tou keli lumi'cir Sia, ru'du'-Na sé murit en lumewet angé in lour.

Matius 8:2

Wo mai ai Sia si esa tou kusta, kumundu en sumiri', icuana “Tuang, sa woo casalé' i Tuang, ro'na samaan i Tuang en sakitku.”

Markus 3:7

Si Yesus wo sé murit-Na tumela'u in tampa itu wo mangé an lour Galilea. Sé tou keli makii-kiit Sia, séra ra'ica asaloke' ang Galilea owo, taan ka'i an Yudea owo,

Lukas 5:15

Taan en abar andumoro' i Yesus icaseraro taré am bisa-wisa. Wo kelian tou mai en luminga in sususuien-Na wo e mapasama' in sakit éra.