Matius 7:6 - En Taar Weru a nunuwu' é Tontemboan

⁶ Tioo kamu mengakua in Taar i Amang Kasuruan a sé tou sé ra'ica kiim tumerima, en itu putéke' kamu méé im barang le'nas a si asu kuma'pa mangkil i mutiara a sé wawi. Pakasa en itu ipeléa-léak éra oka wo sumali'si' kumarét icamu.”

Matius 7:6 ပူးပေါင်းရင်းမြစ်များ

Matius 15:26

Taan isowat i Yesus, “Ra'ica patus mindo i roti si aitu'tul a sé toyaang wo iwéé a si asu.”

Matius 24:10

Wo asi témpo itu, keli en tou sé maéman, ra'io ka'i maéman a Yaku. Séra mengking-kianatan wo mengkasuutan.

Matius 7:5

Éi tou punek! Icesot owo em balak am beren iow, wosama' ro'na kaséréan iow wutul eng kumesot in awu ing kayu am beren i poowmu itu.

2 Korintus 11:26

Am bawayaanku makakeli-keli mengakawali ang kawangkuran, tanu mai icawangkur an doyongan sumonop, pengakasua' asé marampok, ipengawangkur é touku Yahudi wo ka'i sé tou ra'ica Yahudi, icawangkur ang kota, icawangkur an tana' kapayasan, icawangkur an uner in ta'sic, wo ka'i pengawangkur é tou sé makua sapaoka séra poo-poowta esa am paémanen a si Kristus mandé en ulitna séra ra'ica maéman.

Filipi 3:2

Mareti-retio mangé kamu a sé tou sé mengaéma' in léwo', sé patus patuulen asu wo sé malesé' sé tou maéman a si Kristus en sunaten.

Ibrani 10:29

Anaé, ro'nao kawerotanta tambisa eng kauter in ukuman a sé tou sé maepes im beren asi Toyaang i Amang Kasuruan wo maanggap ra'ica wana wééna en enda' perjanjian si ro'na meresi ing kamesé-meséaan éra, wo sé mengaroros i Roh e mawéé in upus tatambér ai cita.

Ibrani 6:6

taan sa séra ra'io ka'i maéman a si Kristus, séra ra'io kawisa kaakinan e mape'dis ang kamesé-meséaan éra. Ampa'paan séra in esa tanu isumalipo sumawel si Toyaang i Amang Kasuruan wo ka'i suméroo Sia an dior é tou keli.

2 Petrus 2:22

Séra itu kaputé wutul in andéan anio' si cumua tana'i: “Si asu kuman sumawel sé aipelua'na wo si wawi linelé'o, mangéke' memilé-miléi sumawel in owakna am pake'bo'an.”

Wahyu 22:15

Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.