Matius 7:5 - En Taar Weru a nunuwu' é Tontemboan

⁵ Éi tou punek! Icesot owo em balak am beren iow, wosama' ro'na kaséréan iow wutul eng kumesot in awu ing kayu am beren i poowmu itu.

Matius 7:5 ပူးပေါင်းရင်းမြစ်များ

Matius 22:18

Taan kailekan i Yesus eng kaléwo'an in até éra, wo icua-Na ai séra, “Éi camu sé tou punek, kéitu réén kamu mangepé' a Yaku?

Matius 7:3

Kéitu réén en awu ing kayu am beren i poowmu kaséréan iow, taan em balak am beren iow in esa, ra'ica kailekan iow?

Matius 7:4

Tambisa réén kamu ro'na kumua a si poowmu, ‘Mayoo icesotku en awu ing kayu am berenmu’, taan awéan balak am beren iow?

Matius 7:6

Tioo kamu mengakua in Taar i Amang Kasuruan a sé tou sé ra'ica kiim tumerima, en itu putéke' kamu méé im barang le'nas a si asu kuma'pa mangkil i mutiara a sé wawi. Pakasa en itu ipeléa-léak éra oka wo sumali'si' kumarét icamu.”

Lukas 12:56

Éi camu tou punek! En tuus imamuali an tana' wo an langit ro'na kaangéan iow. Kéitu réén en tuu-tuus paémaan i Amang Kasuruan intarépé' ra'ica kaangéan iow? En itu méé tuus sapaoka Sia ang karoro'an i matawoi.”

Lukas 13:15

Taan isowat i Yesus a si tou itu, “Icamu anio' punek! Asi endo Sabat kamu im baya mangé mekar si sapi kuma'pa keledai ang kurungan wo iwali miow mangé melep.

Lukas 4:23

Wo icua i Yesus ai séra, “Tantu icua oka miow a Yaku si andéan anio', ‘Éi dokter, samaano mio' en owak-Mu in esa.’ Icua miow in taniitu ampa'paan liningao miow sapaoka Aku iméma'o ing kakaya'kaan ang kota Kapernaum wo en itu musti émaan-Ku ka'i an doong-Ku in esa.”

Lukas 6:42

Tambisa réén kamu ro'na kumua a si poowmu, ‘Éi poow, mayoo icesotku en awu ing kayu am berenmu!’ Taan em balak am beren iow ra'ica kaséréan iow. Éi tou punek! Icesot owo em balak am beren iow, wosama' ro'na kaséréan iow wutul eng kumesot in awu ing kayu am beren i poowmu.”

Kisah Para Rasul 19:15

Taan aicuake' i roh léwo' ai séra, “Si Yesus katuusanku taniitu ka'i si Paulus, taan si séi réén kamu?”