Matius 7:29 - En Taar Weru a nunuwu' é Tontemboan

²⁹ Ampa'paan Sia mengasusui wuta ing kawasa, ra'ica tanu sé makailek wutul in Torat.

Matius 7:29 ပူးပေါင်းရင်းမြစ်များ

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Matius 5:20

Icua-Ku mangé ai camu, sa ra'ica émaan iow eng kasalé'an i Amang Kasuruan lumébémai asé makailek wutul in Torat wo sé tou Farisi, en ulitna kamu ra'ica kawisa muntep ang Kakolanoan in Sorga.”

Matius 5:28

Taan icua-Ku ai camu, sa awéan tuama suméré si wéwéné wo icasalé'nao, si tuama itu mabersinao wo si wéwéné itu an untep in até.

Matius 5:32

Taan icua-Ku mangé ai camu, sa si tuama cuméré si penanaanna wo kumawéng sumawel wo si wéwéné walina, si tuama itu mabersinao, aluar si penanaanna ang karapio é tuama walina. Wo si séike' eng kumawéng si wéwéné si aicéréna itu sia mabersinao.”

Matius 5:44

Taan icua-Ku mangé ai camu, icaupuso mangé sé kaséké' miow wo isombayango mangé sé mengaokoi icamu.

Matius 7:28

An tutuw i Yesus makasusuio, sé tou keli mangaya-ngaya'ka' luminga in sususuien-Na.

Matius 8:1

Kekawus i Yesus merosio' in tolaina, sé tou keli meréro-rérot makiit Sia.

Lukas 20:8

Wo icua i Yesus ai séra, “Sa taniitu, ra'ica icua-Ku ka'i ai camu asi séi owo eng kawasa a Yaku akar émaan-Ku waya en itu.”

Lukas 21:15

Ampa'paan, émaan-Ku oka kamu pinter manuwu' wosama' kamu ra'ica kasunduran wo ra'ica ro'na icélong é kaséké' miow.

Kisah Para Rasul 6:10

Taan émaan i Roh Le'nas si Stefanus pinter keli maroma' akar ra'ica kawooan éra en sumundur sia.