Matius 7:24 - En Taar Weru a nunuwu' é Tontemboan

²⁴ “Anaé, si esa wo si esa tou sé iluminga in aicua-Ku anio' wo pengaémaanna, sia ipeputé wo si tou pandéi, si mangun im baléna am bawo im batu.

Matius 7:24 ပူးပေါင်းရင်းမြစ်များ

Matius 12:50

Ampa'paan si séike' si mengaéma' ing kasalé'an i Amang-Ku an sorga, siao si poow-Ku tuama, poow-Ku wéwéné wo inang-Ku.”

Matius 16:18

Icua-Ku ka'i ai co: Ico si Petrus wo am bawo im batu karang anio' tooran-Ku oka sé jamaat-Ku wo ra'ica kawisa kawasan im papaté.

Matius 24:45

“Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman.

Matius 25:2

Sé mangala'un itu, lima sé bodok wo lima sé pandéi.

Matius 25:4

Wo sé lima mangala'un pandéi maali-ali in sosoloan wo tumu'tulo ka'i in solo am botel éra.

Matius 25:9

Taan aisowatke' é mangala'un pandéi in tana'i, ‘Ra'ica, oréoka en solo ra'ica maawes pakén ami wo pakén iow. Aweso taré kamu mangé tumeles a si tou mawangkér in solo.’

Matius 7:25

Wo tumumpao mai en uran repet wo mayo en lewu, wo rumegeso mai en deges repet tumena im balé itu, taan em balé itu ra'ica rume'ba, ampa'paan em balé itu winangun am bawo im batu.

Matius 7:26

Taan si esa wo si esa tou sé iluminga in aicua-Ku anio' wo ra'ica pengaémaanna, sia meputé wo si tou bodok, si mangun im baléna am bawo in dangi'ngis.

Lukas 11:28

Taan isowat i Yesus, “Sé pakakamangen, sé tou luminga in Taar i Amang Kasuruan wo pengaémaanna.”

Yohanes 13:17

Kailekano miow waya sé aisusui-Ku anio', anaé sa kiiten iow sé ipasusui-Ku, kamu kamangen oka.

Yohanes 14:15

Icua ka'i i Yesus, “Sa kamu mengaupus Yaku, tantu em peré-perénta-Ku émaan oka miow.

Yohanes 15:10

Sa kamu le'tek mengéma-ngéma' im perénta-Ku, kamu ro'na mendam in upus-Ku, meputé Yaku le'tek mengéma-ngéma' im perénta i Amang-Ku, akar Aku mendam in upus-Na.

Yohanes 15:14

Kamu itu kara-karapi-Ku, sa émaan iow sapa sé aiperénta-Ku ai camu.

Roma 2:13

Ampa'paan ra'ica sé tou e malinga in ukum Torat sé wutul an dior i Amang Kasuruan, taan sé tou mengaéma' in atoran-atoran an ukum Torat ituo sé anggapen wutul an dior i Amang Kasuruan.

1 Yohanes 2:3

Sa pengakiitenta em perénta-perénta i Amang Kasuruan, si- ituo en tuusna kita makatuus Sia.