Matius 7:23 - En Taar Weru a nunuwu' é Tontemboan

²³ Asi oras ituo, icua-Ku oka ai séra ang karapi ra'ica ipaene-enep, ‘Ra'ica katuusan-Ku kamu! Tumayango mangé an dior-Ku, kamu im baya sé mengaéma' ing kaléwo-léwo'an!’ ”

Matius 7:23 ပူးပေါင်းရင်းမြစ်များ

Matius 25:12

Taan aisowatke' i tuama kumawéng itu, ‘Ra'ica katuusanku kamu.’ ”

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Lukas 13:25

Sa si makawalé itumulungo wo imaleno im papalen, kamu tumulung oka ang kesot wo menéngko-néngkor im papalen wo icua oka miow, ‘Amang, wukaanai em papalen torona ami!’ Wo isowatna ai camu, ‘Ra'ica katuusanku kamu wo ra'ica kailekanku kamu am bisa owo mai.’

Lukas 13:27

Taan icua i makawalé itu ai camu, ‘Ra'ica katuusan-Ku kamu am bisa owo mai! Mangém kamu im baya sé mengaéma' ing kaléwo-léwo'an.’

Yohanes 10:14

Yakuo si gembala sama'. Katuusan-Ku sé domba-Ku, wo sé domba-Ku ka'i makatuus Yaku,

2 Timotius 2:19

Taan em patuuran niéma' i Amang Kasuruan ulit keter. Em patuuran itu aipatic in tana'i, “Katuusan i Casuruan sé tou-Na” wo “Si séike' mangé sé maapo' a si Casuruan, mentoo mengéma-ngéma' in léwo'.”

Wahyu 22:15

Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.