Matius 7:22 - En Taar Weru a nunuwu' é Tontemboan

²² Asi endo kaka'puan ing kayo'baan, keli oka tou e matowa Yaku, ‘Kasuruan, Kasuruan, ra'ica réén ipakua ami en taar i Amang Kasuruan mapaké i ngaran-Mu, wo mausér sé sétang mapaké i ngaran-Mu, wo maéma' keli kakaya'kaan mapaké ka'i i ngaran-Mu?’

Matius 7:22 ပူးပေါင်းရင်းမြစ်များ

Matius 10:15

En ulitna icua-Ku mangé ai camu, asi endo kaka'puan ing kayo'baan sé tou ang kota Sodom wo ang Gomora lébé porakai en ukumanna wo taré sé tou ang kota itu.”

Matius 24:36

“Ra'ica wana tou e makailek in endo wo in jam si Toyaang i Tou maai sumawel. Sé malaékat an sorga ra'ica makailek, si Toyaang i Tou ka'i ra'ica makailek, wayake' si Amang in esa e makailek.

Matius 25:11

An tutuw é mangala'un bodok maréngai, wo séra mangko', ‘Tuang! Tuang! Wukaanai em papalen.’

Matius 7:21

Ra'ica pakasa sé tou sé matowa Yaku, ‘Kasuruan, Kasuruan’, muntep oka ang Kakolanoan in Sorga, taan wayake' in tou sé mengaéma' ing kasalé'an i Amang-Ku an sorga.

Lukas 10:12

Icua-Ku ai camu, asi endo kaka'puan ing kayo'baan sa, en ukuman é tou asi kota anio' en lébé uterai wo en ukuman é tou ang kota Sodom indior.”

Yohanes 11:51

En ulitna si aicua i Kayafas itu, ra'ica am bewerotna in esa taan asi Amang Kasuruan owo. Wo tanu imam wangko' asi ta'un itu, riniorano i Kayafas in cumua sapaoka si Yesus maté oka en lumowir sé tou Yahudi,

1 Tesalonika 5:4

Taan é poo-poow, kamu ra'ica menonou ang kariréimbengan. Ampa'paan in ituo, an oras i Apo' Yesus i maai tanuoka si rombit, kamu ra'ica mangaya'ka'.

2 Tesalonika 1:10

Pakasa en itu mamuali oka an tutuw i Apo' Yesus imayo sumawel. Sia maai oka wo irayo é tou le'nas-Na wo siriin waya é tou maéman. Kamu ka'i icauntep ai séra ampa'paan kamu maémano in abar si aicuao ami.

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

2 Timotius 1:18

Kailekanmu wutul ka'i sapaoka sia tatap mengatawang yaku an Efesus. Ampa'paan in ituo pekiupusenku a si Casuruan wosama' asi endo kaka'puan ing kayo'baan si endo i Casuruan makim sé tou, iwéé-Na mai eng kaupusan-Na a si Onesiforus.

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.