Matius 7:21 - En Taar Weru a nunuwu' é Tontemboan

²¹ Ra'ica pakasa sé tou sé matowa Yaku, ‘Kasuruan, Kasuruan’, muntep oka ang Kakolanoan in Sorga, taan wayake' in tou sé mengaéma' ing kasalé'an i Amang-Ku an sorga.

Matius 7:21 ပူးပေါင်းရင်းမြစ်များ

Matius 12:50

Ampa'paan si séike' si mengaéma' ing kasalé'an i Amang-Ku an sorga, siao si poow-Ku tuama, poow-Ku wéwéné wo inang-Ku.”

Matius 16:17

Icua i Yesus ai sia, “Pakakamangen ko é Simon toyaang i Yunus ampa'paan ra'ica sé tou en icumua in itu ai co, taan si Amang-Ku an sorga.

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Matius 18:19

Icua-Ku ka'i ai camu, ang kayo'baan anio' sa an uner iow awéan rua tou meesa mangilek sapake' mangé, em pinangilek iow itu tantu énan i Amang-Ku an sorga.

Matius 18:3

Wo icua-Na ai séra, “En ulitna icua-Ku mangé ai camu, sa kamu masalé' muntep ang Kakolanoan in Sorga, kamu musti mape'dis wo robano mangé em peri miow meputé im peri i toyaang teké' anio'.

Matius 18:35

Tanu siitu ka'i en émaan i Amang-Ku an sorga ai camu sa kamu ra'ica lekep en até méé kaampungan a si poow iow.”

Matius 19:24

Wo icua-Ku ka'i sumawel ai camu, lébé taporak si esa onta muntep am bo'so im biwilit wotaré si tou siya' muntep ang Kakolanoan i Amang Kasuruan.”

Matius 25:10

Wo sé mangala'un bodok itu mangé en tumeles solo. Taan ang karoro'an éra imangé tumeles solo, si tuama kumawéng icateka'o mai. Wo sé mangala'un pandéi tumu'tulo wo muntep mewali-wali wo si tuama kumawéng itu am pésta kawéngan, wo em papalen kusiin.

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 26:39

Kumawus in itu si Yesus maya' mangé toyo', Sia kumundu wo sumombayang, “O Amang-Ku, sa woo ro'na, angkaien woo mai eng kawenduan anio' a Yaku. Taan ra'ica iciit ing kasalé'an-Ku e mamuali, iciito ing kasalé'an i Amang.”

Matius 26:42

Kumawus in itu si Yesus maréng angé ka'i sumombayang ing karua, icua-Na, “O Amang-Ku, sa réén musti wuléngen-Ku eng kawenduan anio', mandéo kasalé'an i Amang e mamuali.”

Markus 3:35

Si séike' si mengaéma' ing kasalé'an i Amang Kasuruan, siao si poow tuama wo poow wéwéné wo inang-Ku.”

Markus 9:47

Sa em berenmu iméma' ico ang kamesé-meséaan, tu'iceno mio', ampa'paan aweso taré ko muntep an untep ing Kakolanoan i Amang Kasuruan in esa weren, wotaré rua weren taan ko itiya' an untep i naraka,

Lukas 11:28

Taan isowat i Yesus, “Sé pakakamangen, sé tou luminga in Taar i Amang Kasuruan wo pengaémaanna.”

Lukas 13:25

Sa si makawalé itumulungo wo imaleno im papalen, kamu tumulung oka ang kesot wo menéngko-néngkor im papalen wo icua oka miow, ‘Amang, wukaanai em papalen torona ami!’ Wo isowatna ai camu, ‘Ra'ica katuusanku kamu wo ra'ica kailekanku kamu am bisa owo mai.’

Lukas 18:25

Lébé taporak si esa unta muntep kumiit am bo'so im biwilit, wotaré si tou siya' muntep ang Kakolanoan i Amang Kasuruan.”

Lukas 6:46

“Kéitu réén kamu kumua a Yaku, ‘Tuang, Tuang’ taan kamu ra'ica maéma' sapa en aicua-Ku?

Yohanes 14:7

Sa kamu wutu-wutul makatuus Yaku, tantu ka'i kamu makatuus si Amang-Ku. Intarépé' kamu makatuuso Sia wo isuméréo Sia.”

Yohanes 15:23

Si séike' mangé si masuut Yaku, sia ka'i masuut si Amang-Ku.

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Yohanes 5:17

Taan icua i Yesus ai séra, “Si Amang-Ku menawo-nawoi akar intarépé', taniitu ka'i Aku menawo-nawoi.”

Yohanes 6:40

Ampa'paan si anioo eng kasalé'an i Amang-Ku: Si esa wo si esa tou suméré sé niéma' i Toyaang wo maéman ai Sia, makéré oka ing katouan akar ing kauré-uré. Séra touen-Ku sumawel am papaté asi endo kaka'puan ing kayo'baan.”

Yohanes 7:17

Sa si tou masalé' maéma' ing kasalé'an i Amang Kasuruan, kakailekanna oka en sususuien-Ku anio' asi Amang Kasuruan owo kuma'pa mai a Yaku owo in esa.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

Roma 2:13

Ampa'paan ra'ica sé tou e malinga in ukum Torat sé wutul an dior i Amang Kasuruan, taan sé tou mengaéma' in atoran-atoran an ukum Torat ituo sé anggapen wutul an dior i Amang Kasuruan.

Efesus 6:6

Kiitenno mangé si tuang iow itu tioo asalo an dior éra e mengaarui in até éra. Taan selewirano mangé sé tuang iow tanu ata i Kristus si mengaéma' ing kasalé'an i Amang Kasuruan ang karapi in lekep en até.

Kolose 4:12

Si Epafras méé ka'i mai in siri' ai camu. Sia esaan an jamaat iow wo ata i Yesus Kristus. Kamu penomba-nombayangna wosama' em paémanen iow a si Kristus Yesus makaenté-enté' tanu tou wangkoo wosama' kamu ka'i wutu-wutul makailek sapa waya sé icasalé' i Amang Kasuruan.

1 Tesalonika 4:3

Si anioo waya eng kasalé'an i Amang Kasuruan: menonouo mangé toronake' Sia, menonou le'nas wo ra'ica mengabersina.

1 Tesalonika 5:18

Sa kamu meta'up ing kawenduan kuma'pa ing kaaruian, musti meméé-méé mangé i makapulu'sama' a si Amang Kasuruan, ampa'paan siitu en casalé'-Na si musti émaan iow sé maémano a si Kristus Yesus.

Titus 1:16

Séra ka'i mangaku makatuus si Amang Kasuruan taan sa sérén em paémaan éra, séra meputé wo sé tou makélong Sia. Séra karican oka mai wo ra'ica le'tek ampa'paan masundur im perénta i Amang Kasuruan wo ra'ica makawoo mengaéma' in sapake' mangé sé loor.

Ibrani 13:21

en tumu'tul im pakasa sé loor si paperlun iow e méma' sapa sé icasalé'-Na. Wo pekiupusenku ka'i wosama' si Amang Kasuruan matawoi an untep in atéta akar kita ro'na méma' sapa sé icasalé'-Na ampa'paano i Yesus Kristus. A si Yesus Kristuske' em pakasa i rarayo wo in sisiri' akar ing kauré-uré. Ulit.

Ibrani 4:6

Anaé, en tampa pengaenaan itu makawuka'pé' torona é tou wo séra awéané' témpo mangé muntep am bitu. Taan sé apo-apo'ta tou Israel sé kinuanano in Abar Kaaruien itu, séra ra'ica toro muntep asi tampa pengaenaan itu ampa'paan séra ra'ica le'tek a si Amang Kasuruan.

Yakobus 1:22

Tioo kamu asaloke' mengalinga in Taar i Casuruan, taan musti pengaémaan iow. Sa en Taar itu ra'ica pengaémaan iow, en itu meputéke' kamu imuwako in owak iow in esa.

1 Petrus 2:15

Ampa'paan icasalé' i Amang Kasuruan kamu méma' sé loor, wosama' si tou ra'ica wana eng kailekan andumoro' ing kasalé'an-Na, sia ra'io ka'i memaa-maar sé ra'ica wutul andumoro' icamu.

1 Petrus 4:2

Anaé, eng kauré kamu menonou ang kayo'baan anio', pakéno en témpo si matela'u itu e méma' ing kasalé'an i Amang Kasuruan, ra'ica méma' ing kasalé'an é tou.

Wahyu 2:27

Wo peréntanna oka séra ang karapi im beka' bési wo tumeri iséra tanu in tumeri ing kuré'. Eng kawasa si aiwéé ai sia puté wo ing kawasa si aiwéé i Amang-Ku a Yaku.

Wahyu 22:14

Pakakamangen sé tou sé icumemes in jubana. Séra makéré oka hak e maai a sé tuur ing katouan wo muntep ang kota itu kumiit im papalen-papalen wangker.

Wahyu 3:5

Si séi e muntung sia pakéan ing karai tanu siitu. Wo e ngaran i tou itu ra'ica pisin-Ku ang kitap ing katouan, taan pangakun-Ku oka e ngaranna an dior i Amang-Ku wo an dior é malaékat-Na.