Matius 7:20 - En Taar Weru a nunuwu' é Tontemboan

²⁰ Taniitu ka'i wo sé nabi ra'ica wutul. Katuusan oka miow séra asi wuéna im pinengaéma' éra.

Matius 7:20 ပူးပေါင်းရင်းမြစ်များ

Matius 12:33

Sa en tuura icua miow loor, tantu loor ka'i em bua'na, taan sa en tuura icua miow ra'ica loor tantu ra'ica loor ka'i em bua'na. Ampa'paan asi wua'na ituo kailekanta en tuurana.

Matius 7:16

Kailekan oka miow séra asi wuéna im pinengaéma' éra. Ro'na réén sé tou mupu' im bua'na in anggor an serawet owo kuma'pa wua'na in ara an dukut tutunéan owo?

Lukas 6:44

Ampa'paan en tuura itu kailekan oka é tou am bua'nana. Anaé, sé tou ra'ica kawisa mupu' im bua'na in ara an dukut tutunéan owo wo ka'i ra'ica kawisa mupu' im bua'na in anggor an sarawét.

Kisah Para Rasul 5:38

Anaé, intarépé' icuaku ai camu, aweso taré kamu ra'ica toro méma' in sapa-sapa a sé tou itu. Iwayao mio' séra. Sa em pawasa-wasan éra wo em paémaan éra itu asé tou owo, tantu en itu maka'pu oka.

Yakobus 3:12

Poo-poowku, ra'ica kawisa en tuura in ara mua' in zaitun. Wo en tuura in anggor tantu ra'ica kawisa mua' in ara. Taniitu ka'i em palemboian in dano maasin, tantu ra'ica kawisa lumemboi in dano tewang.