Matius 7:14 - En Taar Weru a nunuwu' é Tontemboan

¹⁴ Taan em papalen pesut wo en lalan pesut, maangé ang katouan akar ing kauré-uré wo wayake' im pira en tou sé kumiit am bitu.”

Matius 7:14 ပူးပေါင်းရင်းမြစ်များ

Matius 20:16

Taniituo ka'i e mamuali sa, sé tou kumataré-taré mamuali oka tou sumomo-somoi, wo sé tou sumomo-somoi mamuali oka tou kumataré-taré.”

Matius 22:14

Kelian en tou sé tinowa muntep ang Kakolanoan i Amang Kasuruan, taan wayake' im pira eng kinasisiran.”

Matius 7:13

“Muntepo mangé kumiit im papalen pesut. Em papalen welar wo en lalan wangko' maangé am papaté, wo kelian en tou muntep kumiit im papalen itu.

Matius 7:15

“Maténga-téngamo mangé a sé nabi ra'ica wutul. Séra maai ai camu tanuoka domba, taan en ulitna séra itu serigala léwo'.

Markus 8:34

Wo towan i Yesus sé tou keli wo sé murit-Na, icua-Na ai séra, “Sa awéan tou e masalé' kumiit Yaku, sia musti sumangkal in owakna, muléng in salipna wo kumiit Yaku.

Lukas 12:32

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Roma 12:2

Tioo pakiiten iow em peri é tou sé ra'ica makatuus i Amang Kasuruan. Taan iwayao mio' em pakawerot iow werun i Amang Kasuruan wosama' em pakawerot iow mawalina. Wo in taniitu ro'na kakailekan iow eng kasalé'an-Na: siituo sé loor wo lekep, wo si mengaéma' in até-Na arui.

Roma 9:32

Kéitu séra ra'ica nianggap wutul i Amang Kasuruan? Ampa'paan séra rumaméji nianggap wutul i Amang Kasuruan ang karapi i makiit in ukum Torat, taan ra'ica ampa'paan maéman a si Amang Kasuruan. Anaé, séra icasangkil asi watu pengasangkilan wo icalepok.