Matius 6:7 - En Taar Weru a nunuwu' é Tontemboan

⁷ Wo ka'i an sombayang iow itu tioo talambot tanu ing kanaramen é bangsa sé ra'ica makatuus si Amang Kasuruan. Paweroten éra sapaoka sa maké ing keli nunuwu' en sombayang éra énan oka.

Matius 6:7 ပူးပေါင်းရင်းမြစ်များ

Matius 18:17

Taan sa sia ra'ica kiim luminga in sina'u éra, mangéo icua a sé jamaat em perkarana itu. Wo sa ra'ica linganna ka'i en sina'u é jamaat, anggapeno mio' sia tou ra'ica makatuus si Amang Kasuruan, kuma'pa sé matagi im pajak mengauwak sé tou.

Matius 26:39

Kumawus in itu si Yesus maya' mangé toyo', Sia kumundu wo sumombayang, “O Amang-Ku, sa woo ro'na, angkaien woo mai eng kawenduan anio' a Yaku. Taan ra'ica iciit ing kasalé'an-Ku e mamuali, iciito ing kasalé'an i Amang.”

Matius 26:42

Kumawus in itu si Yesus maréng angé ka'i sumombayang ing karua, icua-Na, “O Amang-Ku, sa réén musti wuléngen-Ku eng kawenduan anio', mandéo kasalé'an i Amang e mamuali.”

Matius 26:44

Wo iwaya-Na séra am bitu wo Sia mangé sumombayang ing katelu. Wo sumombayang tanu in sombayang tarépé'.

Matius 6:32

Pakasa en itu pinangéré é bangsa sé ra'ica makatuus si Amang Kasuruan. Taan kailekan i Amang iow an sorga pakasa sé paperlun iow.

Kisah Para Rasul 19:34

Taan tutuw kailekan éra sia tou Yahudi, séra mewali-wali mangko' wona' dua jam eng kauréna, “Rayo si Artemis, si opo' wéwéné é tou Efesus!”