Matius 6:30 - En Taar Weru a nunuwu' é Tontemboan

³⁰ Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Ra'ica réén icamu en émaan-Na lébé pasung, éi tou sé ra'ipé' talos maéman?

Matius 6:30 ပူးပေါင်းရင်းမြစ်များ

Matius 14:31

Wo makala'us yulur i Yesus eng kama-Na wo timboien-Na si Petrus, wo icua-Na, “Éi, tou ra'ipé' talos maéman, kéitu réén ko marua-rua wasa?”

Matius 16:8

An tutuw kinailekan i Yesus sapa em pemaa-maaren éra, wo icua-Na, “Kéitu réén ipapaar iow andumoro' in da'ica wana roti? Éi camu sé tou ra'ipé' talos maéman!

Matius 17:17

Wo icua i Yesus, “Éi camu tou léwo' wo tou ra'ica maéman! Akar kawisa réén Aku musti mewali-wali wo icamu? Wo akar kawisa Aku musti talesen ai camu? Paalino mai si toyaang itu!”

Matius 8:26

Icua-Na ai séra, “Kéitu réén kamu maindé', éi camu sé ra'ipé' talos maéman?” Wo si Yesus tumulung wo peréntan-Na en deges wo en lour itu, akar en lour wutu-wutul malener.

Markus 4:40

Kumawus in itu, icua i Yesus a sé murit-Na, “Kéitu réén kamu maindé'? Kéitu réén kamu ra'ica mapercaya?”

Markus 9:19

Wo icua i Yesus ai séra, “Éi camu sé tou ra'ica maéman, akar kawisa réén Aku musti mento' an uner iow? Wo akar kawisa réén Aku talesen ang karapi miow? Iwalio mai si toyaang itu am bia'i!”

Lukas 12:28

Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Wopé'ka'i kamu, tantu émaan-Na lébé pasung éi kamu sé ra'ipé talos maéman!

Lukas 9:41

Wo icua i Yesus, “Éi camu tou ra'ica maéman wo icasélé'kowo! Akar kawisa réén Aku musti mento' ang karapi miow wo talesen mengento-ngento' akar kamu maéman a Yaku?” Wo icua i Yesus a si amang itu, “Walio mai si toyaangmu itu!”

Yohanes 20:27

Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”

Ibrani 3:12

Anaé, é poo-poow, mareti-retio mangé oréoka awéan esaan ai camu makaaté in léwo' wo ra'io ka'i maéman, akar sia sumali'si' wo tumayang asi Amang Kasuruan si menonou.

1 Petrus 1:24

Ang Kitap Le'nas aipatic in tana'i, “Sé tou menonou tanuoka rukut, wo pakasa eng kapasunganna tanuoka im bungang in dukut, sa en dukut mapera, em bungangna ka'i rumongkor.