Matius 6:23 - En Taar Weru a nunuwu' é Tontemboan

²³ Sa em beren iow makewuro, imariréimbengo waya en owak iow.

Matius 6:23 ပူးပေါင်းရင်းမြစ်များ

Matius 20:15

Si séi e méro yaku e maké in doitku in esa kumiit ing kasalé'anku? Kuma'pa panganatenmu réén ampa'paan aku tumuru' ing kalooranku a sé tou anio'?’

Matius 6:22

Em beren itu sosoloan in owak. Sa em beren iow loor, sendoto waya en owak iow.

Markus 7:22

mengasina, mengalongi', kaléwo-léwo'an, mengauwak, mengaéma' sé karican, mengana-nganat, mengaojat, mengatirayo wo keté até.

Lukas 11:34

Em beren itu sosoloan in owak. Sa em beren iow itu looré' maséré, eng katouan iow ka'i sumendo-sendot. Taan sa em beren iow kéréw oka, eng katouan iow ka'i mariréimbeng.

Lukas 8:10

Wo icua-Na, “Kamu intarépé' winéan i Amang Kasuruan kamang tatambér e makailek andumoro' ing Kakolanoan in Sorga. Taan a sé tou walina andumoro' ing Kakolanoan in Sorga itu, icua-Ku maké in andéan wosama', ‘Mandé sinéré éra, taan ra'ica kaangéan éra sapa en sinéré, wo mandé ka'i lininga éra, taan ra'ica kaangéan éra sapa en lininga.’

Roma 1:22

Paweroten éra sapaoka séra wuta ing kapinteran, taan en ulitna séra itu imabodoko.

1 Korintus 2:14

Si tou ra'- ica pengaakinen i Roh i Amang Kasuruan, ra'ica mengaterima sé ipakua i Roh i Amang Kasuruan, ampa'paan paanggapenna sé ipakua i Roh itu ra'ica wana torona. Wo en itu ra'ica kaangéanna, ampa'paan wayake' si tou makaanu i Roh i Amang Kasuruan e ro'na makaangé andumoro' in itu.

Efesus 4:18

Em bewerot éra imariréimbengo, wo séra menonou tayang wo si Amang Kasuruan, ampa'paan séra bodok wo en até éra keté.

Efesus 5:8

Indior kamu toya-toyaang ing kariréimbengan, taan intarépé' kamu imamualio tou i Casuruan, anaé icamuo sé toyaang in sendot. Ampa'paan in itu menonouo mangé tanu toya-toyaang in sendot,

1 Yohanes 2:11

Taan séi si masuut si poowna, sia itu ang kariréimbengan, ampa'paan sia menonoué' ang kariréimbengan. Wo ra'ica kailekanna am bisa en angéanna ampa'paan e riréimbeng itu tanu iméma'o isia mawola.