Matius 6:2 - En Taar Weru a nunuwu' é Tontemboan

² Anaé, sa kamu méé sapa-sapake' en tumawang sé tou lengéi, tioo ipakua-kua tanu sé pengaémaan é tou punek am balé-walé paapo'an é agama Yahudi wo an lala-lalan wosama' séra irayo é tou. En ulitna icua-Ku mangé ai camu, séra makéréo in laasa éra.

Matius 6:2 ပူးပေါင်းရင်းမြစ်များ

Matius 15:7

Éi camu tou punek! Wutulo sapa en aicua i Yesaya andumoro' icamu,

Matius 16:3

wo asi mamoondo, sa en langit mariréimbengo, icua miow, ‘muran oka réén.’ En tuus sé kaséréan an langit ro'na kakailekan iow en itu mamuali, taan en tuu-tuus in jaman ra'ica kailekan iow.

Matius 22:18

Taan kailekan i Yesus eng kaléwo'an in até éra, wo icua-Na ai séra, “Éi camu sé tou punek, kéitu réén kamu mangepé' a Yaku?

Matius 23:5

Pakasa em pengaémaan éra asalo ipapaturu' éra a sé tou. Séra mengapaké in tali sombayang si aipetutu' éra winangkeran toyo' wo e rumbai in juba aipetutu' éra ka'i linambot.

Matius 23:6

Séra masalé' malukut an tampa im pasiri-siriin am pésta wo am balé-walé paapo'an é agama Yahudi.

Matius 24:51

wo si ata itu ukuman oka i tuangna in ukumen patén wo iténdél an tampa tinéndélan sé tou punek. Am bitu oka séra maamé' akar i mengare-ngare'ket em baang.”

Matius 5:18

En ulitna icua-Ku mangé ai camu, ang kauré in da'ipé' maka'pu en langit wo eng kayo'baan anio', esake' urup kuma'pa esake' titik ra'ica kawisa pisin an ukum Torat, sa ra'ipé' imamuali waya.

Matius 6:16

“Sa kamu mengapuasa, tioo en amo miow susa tanu sé tou punek. En amo éra mapa in susa kéndoon, wosama' sérén é tou sapaoka séra ang karoro'an i mapuasa. En ulitna icua-Ku mangé ai camu, siituo en laasa si kinéréano éra.

Matius 6:3

Taan sa kamu méé sapa-sapake', tioo kailekan ing kama ka'biri miow sapa e niéma' ing kama kakan iow.

Matius 6:5

“Sa kamu sumombayang, tioo mengasombayang tanu sé tou punek. Séra mengasombayang, casalé' éra makatulung am balé-walé paapo'an wo ka'i am péngko-péngkoran in lalan wangko', wosama' séra sérén é tou. En ulitna icua-Ku mangé ai camu, séra makéréo in laasa éra.

Matius 7:5

Éi tou punek! Icesot owo em balak am beren iow, wosama' ro'na kaséréan iow wutul eng kumesot in awu ing kayu am beren i poowmu itu.

Markus 12:39

wo masalé' malukut an tampa pasiri-siriin am balé paapo'- an é agama Yahudi wo am pésta kawéng.

Markus 7:6

Isowat i Yesus ai séra, “Wutulo sapa en aicua i Yesaya andumoro' miow, éi tou punek, awéan en aipatic in tana'i: ‘Em ba'ba' i bangsa anio' marayo-rayo Yaku, taan en até éra tayang a Yaku.

Lukas 11:41

Ampa'paan in ituo iwééo mio' sapa sé ai camu en tumawang sé tou lengéi. An tutuw iow iméma' in tanu siitu, pakasa waya uli-ulit maweresi.

Lukas 11:43

Éi kamu sé tou Farisi, icawangkuro mio' kamu! Ampa'paan kamu masalé' mengalukut an tampa pasiri-siriin am balé-walé paapo'an é agama Yahudi wo masalé' pasiri-siriin é tou am pasar.

Lukas 12:33

Iwangkéro mio' eng kasiyaanmu wo en doit itu iwééo mio' a sé tou lengéi! Sa émaan iow tanu siitu, meputéo kamu méma'o im paumungan ing kasiyaan si ra'- ica maléwo' wo awéan akar ing kauré-uré. Siituo eng kasiyaan si ayéma' miow an sorga, si ra'ica rombiten é tou wo ka'i ra'ica léwoon é lolondi.

Lukas 12:56

Éi camu tou punek! En tuus imamuali an tana' wo an langit ro'na kaangéan iow. Kéitu réén en tuu-tuus paémaan i Amang Kasuruan intarépé' ra'ica kaangéan iow? En itu méé tuus sapaoka Sia ang karoro'an i matawoi.”

Lukas 13:15

Taan isowat i Yesus a si tou itu, “Icamu anio' punek! Asi endo Sabat kamu im baya mangé mekar si sapi kuma'pa keledai ang kurungan wo iwali miow mangé melep.

Lukas 20:46

“Mareti-retio mangé kamu a sé makailek wutul in Torat, sé masalé' mawaya-waya' mepaké in juba wo masalé' pengasiriin ang kakelian in tou tanumai am pasar. Wo masalé' ka'i mengalukut an tampa pasiri-siriin am balé paapo'an é agama Yahudi wo am pésta-pésta.

Lukas 6:24

Taan icawangkuro mio' kamu sé tou siya' intarépé', ampa'paan kamu imendamo ing kaaruian ang kasiyaan iow.

Lukas 6:42

Tambisa réén kamu ro'na kumua a si poowmu, ‘Éi poow, mayoo icesotku en awu ing kayu am berenmu!’ Taan em balak am beren iow ra'ica kaséréan iow. Éi tou punek! Icesot owo em balak am beren iow, wosama' ro'na kaséréan iow wutul eng kumesot in awu ing kayu am beren i poowmu.”

Yohanes 13:29

Ampa'paan si Yudas mengatimboi in doit éra, akar awéan sé mawerot sapaoka si Yudas airu'du' i Yesus en tumeles sapake' eng kaperluan asi endo pata'néian itu. Awéan ka'i tou mawerot sapaoka sia airu'du' i Yesus e méé roit a sé tou lengéi.

Yohanes 5:41

Yaku ra'ica maperlu in siriin é tou.

Yohanes 5:44

Kamu maéré-éréke' i rarayo asé kakélé miow, wo ra'ica rumaméji mangéré i rarayo asi Amang Kasuruan si wayake' in esa. Sa taniitu, tambisa réén ro'na percayan iow Aku?

Yohanes 7:18

Si tou makua mapakéke' im bewerotna in esa, sia maéré-éréke' ing kasiri'an in owakna in esa. Taan si tou si mengaéré ing kasiri'an torona Sia si mutusai si tou itu, tantu sia makua im butul wo ra'ica mengatowo.

Kisah Para Rasul 10:2

Sia le'tek mengakiit ing kasalé'an i Amang Kasuruan. Sia wo sé pamaléna maapo' a si Amang Kasuruan. Sia mengatawang sé tou Yahudi lengéi wo ka'i sia tatap menomba-nombayang a si Amang Kasuruan.

Kisah Para Rasul 10:31

Wo icuana a yaku, ‘Kornelius, pakasa en sombayangmu liningao i Amang Kasuruan wo en aitawangmu a sé tou lengéi tina'néi-Nao.

Kisah Para Rasul 10:4

Téintengen i Kornelius si malaékat itu wo ang karapi in indé' icuana, “Awéan sapa réén é Tuang?” Isowat i malaékat itu ai sia, “Pakasa en sombayangmu liningao i Amang Kasuruan wo sé aitawangmu a sé tou lengéi sinéré-Nao wo ko tina'néi-Nao.

Kisah Para Rasul 11:29

Kumawus in itu, sé tou maéman an Antiokhia musé' en lumi'us roit patawang iwéé a sé poo-poow an esa paémanen an Yudea, iciit ing kawooan éra i esa wo si esa.

Kisah Para Rasul 24:17

Ampa'paan piraano ngata'un aku an tampa walina, yaku maréngai an Yerusalem e mai méé roit ipatawang a si bangsaku Yahudi sé menonou ang kalengéian wo ka'i méé raragésan a si Amang Kasuruan am Balé Le'nas.

Kisah Para Rasul 9:36

An Yope, awéan si esa wéwéné makangaran Tabita, a nunuwu' é Yunani sia patuulen Dorkas. Sia mengéma-ngéma' andumoro' sé loor wo pengatawangenna sé tou lengéi.

Roma 12:8

Sa eng kamang aitambér i Amang Kasuruan ai cita e masina'u sé tou walina wosama' em paémanen éra makaketer, tawoieno mangé en itu ang karapi i mauli-ulit. Sa eng kamang aitambér i Amang Kasuruan ai cita e mamuali tou masalé' mengawéténg ing kasiyaan a sé kakélé tou, musti émaanta en itu ang karapi in lekep en até. Sa eng kamang aitambér i Amang Kasuruan ai cita mamuali kikiiten, kita ka'i musti mamuali kikiiten si re'dem. Wo sa eng kamang aitambér i Amang Kasuruan ai cita e mengaturu' ing kaupusan a sé tou walina sé sumangkumai ing kawenduan, musti émaanta en itu ang karapi in arui en até.

1 Korintus 13:3

Wo mandé ka'i yéké- ékéku waya eng kasiyaanku a sé tou lengéi wo iwééku en owakku tunun, taan sa aku ra'ica wana upus a sé tou walina, pakasa en itu ra'ica wana torona a yaku.

Galatia 2:10

Wo séra asalo tumaar ai cami wosama' kasake' in tumawang sé tou lengéi. En itu uli-ulit icasalé'ku émaan.

Efesus 4:28

Si tou si sumangkumo rumombit, yentoo mio' marombit. Aweso taré sia rumaméji tumawoi sapake' sé loor ang karapi ing kamana in esa, wosama' sia makaanu in sapa-sapake' si ro'na iwéténg a sé tou lengéi.

1 Tesalonika 2:6

Kami ka'i ra'ica kawisa mangéré i rarayo ai camu kuma'pa a sé tou walina. En ulitna, kami ruru'du'an i Kristus ro'na mangilek sapa-sapake' ai camu im baya.

1 Timotius 6:18

Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

Filemon 1:7

Poowku Filemon, ico mengaupuso sé tou le'nas akar séra kinaiborano in upusmu. Ampa'paano in itu yaku arui keli.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

1 Petrus 4:11

Sa awéan tou tumerima ing kamang aitambér i Roh Le'nas eng kumua in taar i Amang Kasuruan a sé tou, musti icuana en itu kumiit in taar i Amang Kasuruan. Wo sa awéan tou tumerima ing kamang aitambér i Roh Le'nas en tumawang sé tou, musti émaanna en itu maké ing kaketeran asi Amang Kasuruan owo. Anaé, pakén iow sumama-sama' eng kamang aitambér i Roh Le'nas ai camu esa wo si esa wosama' asé pakasa sé niéma'o miow itu, sé tou ro'na rumayo wo sumiri' si Amang Kasuruan, ampa'paano i Yesus Kristus. Si Amang Kasuruan itu makaanu i rarayo wo in sisiri' wo ing kakawasaan akar ing kauré-uré! Ulit.