Matius 6:16 - En Taar Weru a nunuwu' é Tontemboan

¹⁶ “Sa kamu mengapuasa, tioo en amo miow susa tanu sé tou punek. En amo éra mapa in susa kéndoon, wosama' sérén é tou sapaoka séra ang karoro'an i mapuasa. En ulitna icua-Ku mangé ai camu, siituo en laasa si kinéréano éra.

Matius 6:16 ပူးပေါင်းရင်းမြစ်များ

Matius 6:1

“Ta'néieno mangé, tioo paémaan iow en atoran in agama an dior é tou wosama' sérén éra wo irayo éra kamu, ampa'paan sa kamu maéma' tanu siitu, ra'ica kéréan iow en laasa i Amang iow an sorga.

Matius 6:2

Anaé, sa kamu méé sapa-sapake' en tumawang sé tou lengéi, tioo ipakua-kua tanu sé pengaémaan é tou punek am balé-walé paapo'an é agama Yahudi wo an lala-lalan wosama' séra irayo é tou. En ulitna icua-Ku mangé ai camu, séra makéréo in laasa éra.

Matius 6:5

“Sa kamu sumombayang, tioo mengasombayang tanu sé tou punek. Séra mengasombayang, casalé' éra makatulung am balé-walé paapo'an wo ka'i am péngko-péngkoran in lalan wangko', wosama' séra sérén é tou. En ulitna icua-Ku mangé ai camu, séra makéréo in laasa éra.

Markus 2:18

Asi makasa, sé murit i Yohanes wo sé tou Farisi ang karoro'- an i mapuasa. An tutuw itu mai a si Yesus sé piraan tou wo icua éra, “Sé murit i Yohanes wo sé murit é tou Farisi mapuasa, taan kéitu réén sé murit i Tuang ra'ica?”

Lukas 18:12

Yaku mengapuasa makarua susur in duminggu wo yaku ka'i mengawéé sangapepulu' am pakasa im buéna in tinawoiku.’

Lukas 2:37

wo si penanaanna matéo anaé sia balu oka. Wo intarépé' en umurna walu ngapulu' epat ngata'uno. Sia ra'ica kawisa tumela'u im Balé Le'nas. Endo wo em bengi sia maapo' a si Amang Kasuruan ang karapi mapuasa wo masombayang.

Kisah Para Rasul 10:30

Wo isowat i Kornelius, “Asi epat ngando ilumangkoi, wona' asi jam tiga im bawaando tanu si oras anio', yaku masombayang am balé. Tumarépé'anke'mai awéan esa tou makatulung an diorku, eng karaina menéla-nélap.

Kisah Para Rasul 14:23

Wo séra in dua sumisir sé penatua torona é jamaat itu. Séra sumombayang wo muasa en sumarakan sé penatua itu a si Casuruan si paémanen éra.

1 Korintus 7:5

Sé mempenanaan, si esa wo si esa ra'ica toro kumélong méma' ing kewajipan itu, aluar en itu pineroma'o miow in dua, ampa'paan e mindo témpo ra'ica talos uré en sumombayang. Taan makasombayang ako, menonouo sumawel tanu mempenanaan, ampa'paan kamu ra'ica makatang méma' ing kasalé'an in owak iow. Wo in taniitu si kikiiten é sétang ra'ica makawoo tumawér icamu méma' ing kamesé-meséaan.

2 Korintus 11:27

Yaku ra'ica mento' menawo-nawoi akar i makepé, yaku makakeli-keli ra'io matekel, ra'io makan, ra'ica maelep, makakeli-keli ka'i ra'io wana kakanen, kautingan ampa'paan eng karai ra'ica maawes.

2 Korintus 6:5

kami papangkuren, yuntep am bui, pinaémbong éra imokoi. Wo kami ra'ica mento' menawo-nawoi, sumangkum ra'ica itumekel wo ka'i ra'ica icuman.