Matius 5:46 - En Taar Weru a nunuwu' é Tontemboan

⁴⁶ Anaé, sa kamu asalo mengaupus sé tou mengaupus icamu, sapa réén en laasa miow? Ra'ica réén sé mengatagi im pajak mengaéma' ka'i in taniitu?

Matius 5:46 ပူးပေါင်းရင်းမြစ်များ

Matius 11:19

Wo mai si Toyaang i Tou, Sia makan wo maelep, wo pakua é tou, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’ Taan eng kapinteran asi Amang Kasuruan owo kaséréan oka a sé tou sé mengaéma' in sususuien wutul itu.”

Matius 18:17

Taan sa sia ra'ica kiim luminga in sina'u éra, mangéo icua a sé jamaat em perkarana itu. Wo sa ra'ica linganna ka'i en sina'u é jamaat, anggapeno mio' sia tou ra'ica makatuus si Amang Kasuruan, kuma'pa sé matagi im pajak mengauwak sé tou.

Matius 5:47

Sa kamu mengawéé in siri' a sé poo-poow iowke', sapa eng kalébéana wo em pengaémaan é tou walina? Ra'ica réén sé bangsa ra'ica makatuus si Amang Kasuruan mengaéma' ka'i in taniitu?

Matius 6:1

“Ta'néieno mangé, tioo paémaan iow en atoran in agama an dior é tou wosama' sérén éra wo irayo éra kamu, ampa'paan sa kamu maéma' tanu siitu, ra'ica kéréan iow en laasa i Amang iow an sorga.

Markus 2:15

Kekawus in itu si Yesus kuman am balé i Lewi. Am bitu kelian sé matagi im pajak wo sé tou iméma' ing kamesé-meséaan mekiit icuman mewali-wali wo si Yesus wo sé murit-Na, ampa'paan kelian tou sé makii-kiit Sia.

Markus 2:16

An tutuw itu, awéan ka'i sé makailek wutul in Torat ang golongan Farisi isuméré si Yesus makan mewali-wali wo sé matagi im pajak wo sé tou iméma' ing kamesé-meséaan. Wo wuéien éra a sé murit i Yesus, “Kéitu Sia makan mewali-wali wo sé matagi im pajak wo sé tou iméma' ing kamesé-meséaan?”

Lukas 15:1

Kelian sé matagi im pajak wo sé tou ang kamesé-meséaan mai a si Yesus en luminga Sia.

Lukas 18:13

Taan si mengasaap im pajak itu tumulung angé an tayang wo maindé'ke' kumanat angé an langit. Taan sia menepé-nepé'ke' taré in da'dakna wo kumua: ‘O Amang Kasuruan, icaupusai aku anio' si tou ang kamesé-meséaan.’

Lukas 19:2

Ang kota itu awéan si esa tou kikiiten é matagi im pajak, sia ka'i tou siya' e ngaranna Zakheus.

Lukas 19:7

Taan pakasa é tou sé makaséré in itu mengimbu-ngimbulu. Icua éra, “Sia lumosér oka am balé i tou ang kamesé-meséaan!”

Lukas 3:12

Sé matagi im pajak ka'i mai mapabaptis a si Yohanes. Wo séra mamuéi a si Yohanes, “Guru, sapa e musti émaan ami?”

Lukas 5:29

Wo si Lewi méma' im pésta wangko' am baléna torona i Yesus. Am bitu kelian sé matagi im pajak wo sé tou walina sé mekiit icuman ang karapi i Yesus.

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Lukas 7:29

Wo pakasa sé tou iluminga in aicua i Yesus, wo ka'i sé tou matagi im pajak, makua sapaoka si Amang Kasuruan itu wutul. Ampa'paan séra im baya imééo in owak em baptisen i Yohanes Mabaptis.

Lukas 7:34

Wo mai si Toyaang i Tou, Sia makan wo maelep, wo ipakua miow, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’