Matius 5:42 - En Taar Weru a nunuwu' é Tontemboan

⁴² Sa awéan tou e mangilek sapake' mangé ai camu, iwééo mio' sapa em pinangilekna. Wo tioo icélong iow sa awéan tou e masalé' miram sapake' ai camu.”

Matius 5:42 ပူးပေါင်းရင်းမြစ်များ

Matius 5:41

Si séike' mangé en lumesé' icamu e maya' esa kilometer, maya'o mangé ang karapina rua kilometer eng katayang.

Lukas 11:41

Ampa'paan in ituo iwééo mio' sapa sé ai camu en tumawang sé tou lengéi. An tutuw iow iméma' in tanu siitu, pakasa waya uli-ulit maweresi.

Roma 12:20

Anaé, émaano mangé tanu sé aipatic ang Kitap Le'nas, “Sa si kaséké' miow maarem, wéanio' sia kanen. Sa sia maré'- om, wéanio' sia elepen. An tutuw iow méma' in taniitu a sé kaséké' miow, niéma'o miow sia malawi' tanu isumuuno im baa in api an do'kosna.”

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

Yakobus 1:27

Taan imaapo' im butul wo lekep an dior i Casuruan Amangta, tanu si anio': Tumawang sé toyaang ula wo sé wéwéné balu ang kasusaan éra wo matéir in owak wosama' ra'ica kumiit ing kasalé'an ing kayo'baan anio'.