Matius 5:4 - En Taar Weru a nunuwu' é Tontemboan

⁴ Pakakamangen sé tou mala'lu-la'lu, ampa'paan séra itu iboren oka.

Matius 5:4 ပူးပေါင်းရင်းမြစ်များ

Lukas 16:25

Taan icua i Abraham, ‘Éi toyaangku, ta'néieno mangé sumama-sama', an tutuw ko menonoué', ico imakéréo waya sé loor taan karu' si Lazarus makéréke' waya sé ra'ica loor. Intarépé' sia makéréo im pangiboran am bia'i wo ico mawendu keli.

Lukas 6:21

Pakakamangen kamu sé intarépé' maarem, ampa'paan émaan oka i Amang Kasuruan kamu mawesu. Pakakamangen kamu sé intarépé' maamé', ampa'paan émaan oka i Amang Kasuruan kamu kumé'ké'.

Lukas 6:25

Icawangkuro mio' kamu sé mawesu intarépé', ampa'paan kamu mendam oka ing kaareman. Cawangkuro mio' kamu sé imeké'ké' intarépé', ampa'paan kamu mawendu oka wo maamé'.

Lukas 7:38

Wo sia mangé tumulung an somoi i Yesus an duru ing kécéi-Na. Wo sia maamé' akar eng kécéi i Yesus marames in dano im berenna. Kumawus in itu lapenna maké im buukna eng kécéi i Yesus, ciomenna eng kécéi wo naamenna in solo mawou manam.

Lukas 7:50

Taan icua i Yesus a si wéwéné itu, “Ampa'paan ko maéman a Yaku, ico linowiro. Anaé, maya'o mangé ko ang karapi in elur!”

Yakobus 1:12

Pakakamangeno sé tou talesen masaru im pangepé'an wo kasake' maéman a si Amang Kasuruan, ampa'paan kéréanna oka e mahkota ing katouan akar ing kauré-uré si aijanji-Nao a sé tou sé mengaupus ai Sia.

Wahyu 21:4

Wo pisin-Na oka waya en dano im beren éra, wo ra'io wana ka'i em papaté. Ra'io wana ka'i e mala'lu kuma'pa e maamé' kuma'pa eng kawenduan, ampa'paan am baya-waya sé uré itu lumangkoio.”