Matius 5:37 - En Taar Weru a nunuwu' é Tontemboan

³⁷ Sa ‘én’, musti icua miow, ‘én’, sa ‘ra'ica’, musti icua miow, ‘ra'ica’. Sapa en lumébémai asi itu, en itu asi kikiiten é sétang owo.”

Matius 5:37 ပူးပေါင်းရင်းမြစ်များ

Matius 13:19

En lulumbo sé irumongkor an tembir in lalan meputé wo sé tou luminga in taar andumoro' ing Kakolanoan in Sorga, taan ra'ica kaangéan éra. Wo mai si kikiiten é sétang mandét in taar itu si an untep in até éra.

Matius 13:38

En uma, siituo eng kayo'baan. Wo en lulumbo loor sérao sé toyaang ing Kakolanoan, wo eng kuung sérao sé toyaang i kikiiten é sétang.

Matius 15:19

Ampa'paan an até owo lumembo mai waya em bewerot léwo', mengapaté tou, mengasina, mengacabul, mengarombit, mengasairi in towo wo mengaojat.

Matius 5:36

Tioo ka'i mengasumpa matuul in do'kos iow in esa, ampa'paan kamu ra'ica wana kawasa eng kumulo' kuma'pa e muring im buuk mandé in esake'.

Matius 6:13

Wo tioo woo iwali kami muntep am pangepé'an, taan iwekaro mai kami ang kawasa i léwo'. [Ampa'paan si Amango e makaanu ing kakolanoan wo ing kawasa, wo iparangka-rangka' akar ing kauré-uré. Ulit.’]

Yohanes 17:15

Yaku ra'ica mangilek a si Amang wosama' indon i Amang séra asi cayo'baan anio', taan pangileken-Ku wosama' loindongenai i Amang séra asi kawasa i léwo' siao kikiiten é sétang,

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Efesus 4:25

Ampa'paan kamu mamualio tou weru, ra'io toro ka'i mengatowo. Makuao mangé im butul asi esa wo sé walina, ampa'paan kita im baya puté-puté anggota in owak i Kristus.

Efesus 6:16

Andumoro' in sapake' pakéno mangé em paémanen iow a si Amang Kasuruan tanu ipari'dir in owak, ampa'paan ang karapi im pari'dir in owak itu pakasa sé pana api asi léwo' owo ro'na kape'delan iow.

Kolose 3:9

Tioo kamu mengatowo a si esa wo si esa, ampa'paan eng katouan uré wo em peri uré itu aitela'uo miow.

Kolose 4:6

Wo rumaméjio mangé memaké-maké sé nunuwu' e méma' in até é tou arui wo manam palingan. Wo in taniitu kailekan iow tumambisa en sumowat ang karapi im butul sé wuwuéien é tou.

2 Tesalonika 3:3

Taan si Casuruan itu le'tek. Keteran-Na oka mai en até miow wo téiran-Na oka kamu ang kaléwo-léwo'an.

Yakobus 5:12

Poo-poow! Eng kumataré-taré, tioo kamu mengasumpa ang karapi i ngaran in langit wo in tana' kuma'pa sapa-sapake' mangé. Sa wutul, icuao mangé “wutul”. Wo sa ra'ica wutul, icuao mangé “ra'ica wutul”. Wo in taniitu kamu ra'ica kawisa ukumen i Casuruan.

1 Yohanes 2:13

Aipaticku ka'i ai camu, éi amang-amang, ampa'paan kinatuusano miow Sia si awéano asi kataré-taré an tutuw ra'ipé' niéma' eng kayo'baan. Aipaticku ka'i ai camu, éi tou wo'bas, ampa'paan kinalao miow si léwo'.

1 Yohanes 3:12

Kita ra'ica toro kaputé i Kain si kinawasa i kikiiten é sétang, wo imaté si tuarina in esa. Kéitu réén pinaténa si tuarina itu? Ampa'paan pakasa sé niéma'na itu léwo' wo sé niéma' ituarina itu wutul.

1 Yohanes 5:18

Kailekanta sa pakasa in tou sé imamualio toya-toyaang i Amang Kasuruan, séra ra'io ka'i mengéma-ngéma' ing kamesé-meséaan, ampa'paan séra pakaloindongen i Toyaang i Amang Kasuruan. Wo taniitu si kikiiten é sétang ra'ica makawoo méma' sapa-sapa ai séra.