Matius 5:26 - En Taar Weru a nunuwu' é Tontemboan

²⁶ En ulitna icua-Ku mangé ai camu, sa kamu ayuntepo am bui, kamu ra'ipé' toro icesot sa ra'ipé' pinakawéran iow waya en utang iow si aitantu i akim.”

Matius 5:26 ပူးပေါင်းရင်းမြစ်များ

Matius 10:29

Ra'ica réén sé rua rincéng sa iwangkér em bééna esa roit logam si tumeki-tekic? Taan ra'ica wana esaan asé rincéng itu en lumepok an tana' sa ra'ica kasalé'an i Amangmu.

Matius 18:34

Wo si colano itu mae'bow keli a si ata itu. Wo isarakanna si ata itu a sé tou matéir im bui wo okoien éra sia akar iwaréngna waya en utangna itu.

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Markus 12:42

Wo mai si esa wéwéné balu lengéi. Sia mumpun rua roit logam am piti itu. En doit itu em bééna si tumeki-tekic.

Lukas 12:58

Sa awéan tou en sumarakan ico a si akim, rumaméjio mangé meeluran wo si tou itu, ang karoro'an iow an uneré' in lalan. Sa ra'ica, ico leséén i tou itu mangé sumaru a si akim wo isarakan i akim itu ko a sé matéir im bui wo ko yuntep éra oka am bitu.

Lukas 12:59

Icua-Ku mangé ai camu, kamu ra'ica kawisa icesot am bui, sa ra'ipé' pinakawéran iow waya en utang iow.”

Lukas 16:26

Wo ka'i am paawuun ami wo ico, awéan eng kumawu', esa pokal rarem wo welar keli, anaé sé tou am bia'i sé masalé' mio' am bitu kuma'pa sé tou am bitu sé masalé' mai am bia'i ra'ica calewet.’

2 Tesalonika 1:9

Séra makéré oka ukuman asi Casuruan owo akar ing kauré-uré. Séra yusér i Casuruan tayang an dior-Na wo ra'io ka'i suméré ing kawangko' ing kawasa-Na.

Yakobus 2:13

Sa an témponao si Casuruan mai makim sé tou, Sia ra'ica kawisa tumuru' ing kaupusan a sé tou sé ra'ica wana kaupusan a sé tou walina. Taan sé tou mengaupus sé tou walina, séra ra'ica makéré in ukumen asi endo pengaakiman.