Matius 5:22 - En Taar Weru a nunuwu' é Tontemboan

²² Taan icua-Ku ai camu, si séi si mae'bow a si poowna musti ukumen. Wo si séi e mengawa'ba' si poowna, musti isaru' an dior é Mahkamah Agama. Wo si séi ka'i e makua si poowna bodok, sia patus itiya' an api ra'ica mape'de-pe'del.

Matius 5:22 ပူးပေါင်းရင်းမြစ်များ

Matius 10:17

Kamu musti maténga-téngam a sé pakasa in tou! Ampa'paan awéan oka tou en sumarakan icamu an sidang agama wo samboken oka éra kamu am balé-walé paapo'an éra.

Matius 10:28

Tioo kamu maindé' a sé tou sé asalo makawoo maté in owak iow taan ra'ica wana kawasa e maté i mu'kur iow. Taan maindé'o mangé a si Amang Kasuruan si makakawasa e maté in owak wo i mu'kur iow a naraka.

Matius 12:24

Taan tutuw é tou Farisi luminga in itu, icua éra, “Sia mausér sé sétang mapaké ing kawasa i Beelzebul, si kikiiten é sétang.”

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Matius 18:21

Kumawus in itu si Petrus mai a si Yesus wo mamuéi, “Tuang, sa si poowku méma' ing kamesé-meséaan a yaku, akar i makapira aku musti méé ampung? Akar i makapitu?”

Matius 18:35

Tanu siitu ka'i en émaan i Amang-Ku an sorga ai camu sa kamu ra'ica lekep en até méé kaampungan a si poow iow.”

Matius 23:15

Icawangkuro mio' kamu sé makailek wutul in Torat wo sé tou Farisi! Kamu anio' tou punek. Icamu imaya'o tayang lumangkoi in ta'sic wo ing katanaan asalo i maéré-éré si esa tou eng kumiit in sususuien in agama miow. Taan an tutuw i tou itu icumi- ito in sususuien in agama miow, niéma' miow sia mamuali tou si sumiwak muntep an api ra'ica mape'de-pe'del akar ing kauré-uré, wo eng kaléwo'na makarua lumepet wo ing kaléwo' miow.

Matius 23:33

Éi camu tou léwo', eng kaléwo' miow meputé wo si ula' rumacu-racung, ampa'paan kamu taranak é tou léwo'. Tumambisa kamu ro'na icawekar an ukuman in api ra'ica mape'de-pe'del akar ing kauré-uré?

Matius 25:41

Wo icua-Na oka ka'i a sé tou ang ka'biri-Na, ‘Kamu itu sé tou kinutuko. Tumayango mangé kamu an dior-Ku wo mangé muntep an api ra'ica mape'de-pe'del akar ing kauré-uré an tampa si aitu'tulo torona i kikiiten é sétang wo sé makiit sia.

Matius 26:59

Sé kikiiten é imam wo pakasa sé anggota Mahkamah Agama maéré-éré kasairian ra'ica wutul andumoro' i Yesus wosama' Sia makéré ukuman patén.

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Matius 5:34

Taan icua-Ku mangé ai camu, tioo mengasumpa matuul in langit, ampa'paan en langit itu palukutan pasiri-siriin i Amang Kasuruan.

Matius 5:44

Taan icua-Ku mangé ai camu, icaupuso mangé sé kaséké' miow wo isombayango mangé sé mengaokoi icamu.

Markus 14:55

Sé kikiiten é imam wo pakasa sé anggota Mahkamah Agama maéré-éré kasairian e méé kameséaan a si Yesus wosama' Sia makéré in ukuman patén, taan séra ra'ica makéré tuus.

Markus 15:1

Mamoondopé' keli, sé kikiiten é imam, sé anggota Mahkamah Agama wo sé makailek wutul in Torat wo sé matu'a é tou Yahudi mali'us mepaar e maté si Yesus. Kekawus in itu mangé wa'kesen éra Sia wo iwali éra mangé en isarakan a si Pilatus.

Lukas 12:5

Intarépé' icua-Ku ai camu andumoro' si séi e musti caindé' miow. Si musti caindé' miow wayake' si Amang Kasuruan! Ampa'paan Sia awéan kawasa e maté in owak é tou wo ka'i awéan kawasa en tuméndél i mu'kur é tou an api si ra'ica mape'de-pe'del akar ing kauré-uré. Anaé, icua-Ku ai camu, wayake' si Amang Kasuruan e musti caindé' miow.

Lukas 22:66

An tutuw imandoo, mali'uso mai sé matu'a é tou Yahudi, sé kikiiten é imam wo sé makailek wutul in Torat. Wo si Yesus iwali éra en sidangen a Mahkamah Agama éra.

Yohanes 11:47

Ampa'paan in itu, sé kikiiten é imam wo sé tou Farisi tumowa sé Mahkamah Agama mali'us e mepaar, “Sapa réén e musti émaanta? Ampa'paan, si Tou itu méma'o ing keli kakaya'kaan.

Yohanes 15:25

Taan en itu mamuali wosama' en taar si aipatic ang kitap Torat musti lekepen, en aipatic tana'i: ‘Séra ra'ica wana alasan e masuut Yaku.’

Yohanes 7:20

Isowat é tou keli itu a si Yesus, “Ico rinasuko i sétang akar imanganga'. Ra'ica wana tou en rumaméji e maté Ico!”

Yohanes 8:48

Wo isowat é kikiiten é agama Yahudi a si Yesus, “Wutul em pakua ami anio', Ico tou Samaria wo rinasuko i sétang.”

Kisah Para Rasul 17:18

Ang kota Atena awéan golongan Epikuros wo golongan Stoa. Sé tou pinter asé reru itu meindo-indoan roma' wo si Paulus, awéan e makua, “Sapa réén eng kailekan i tou anio'? Eng kailekanna waya im pira taan keli nuwu'.” Wo sé walina ka'i makua, “Si tou anio' makua wona' andumoro' é opo-opo' é bangsa walina.” Icua éra in taniitu ampa'paan si Paulus mengakua andumoro' i Yesus wo andumoro' Sia si tinou sumawel am papaté.

Kisah Para Rasul 22:30

Si kikiiten é suraro Romawi itu masalé' makailek waya ampa'paano in sapa sé tou Yahudi tumudu si Paulus. Ampa'paano in itu, asi woondona mai, ru'du'na icesot si Paulus am bui. Wo iru'du'na wosama' sé kikiiten é imam wo sé anggota Mahkamah Agama walina e mali'us. Iwalina si Paulus kumesot a markas wo mangé isaru ai séra.

Kisah Para Rasul 23:1

An tutuw i Paulus aisaru a sé anggota Mahkamah Agama, téintengenna séra wo kumua, “Éi poo-poow, akar asi endo anio' aku menonou ang karapi in até weresi an dior i Amang Kasuruan.”

Kisah Para Rasul 24:20

Taan intarépé' mandéo sé tou am bia'i eng kumua sapa eng kameséaan kinéréan éra si niéma'ku an tutuw éra sumidang yaku an dior i Mahkamah Agama.

Kisah Para Rasul 4:15

Anaé, ru'du' éra kumesot sé rua ruru'du'an itu wo séra meroma' andumoro' im perkara itu

Kisah Para Rasul 5:21

Matawi i mando, sé ruru'du'an itu muntep ang kintal im Balé Le'nas wo tumo'tolo masusui am bitu. Asi témpo itu ka'i an tampa walina si imam wangko' wo sé tou mengakiit sia rumu'du' sé anggota Mahkamah Agama e mali'us. Séra ituo sé matu'a é tou Yahudi sé mengasina'u. Iru'du' éra mangé mindo sé ruru'du'an itu am bui.

Kisah Para Rasul 5:27

Wo iwali éra sé ruru'du'an itu mangé isaru a Mahkamah Agama. Wo si imam wangko' tumo'tolo mamuéi a sé ruru'du'an itu,

Kisah Para Rasul 6:12

Tanu siituo em pengaémaan éra mengawéé in léwo' a sé tou keli, a sé matu'a, a sé makailek wutul in Torat. Wo tangkaan éra si Stefanus wo wésoon éra sia wo iwali éra mangé a Mahkamah Agama.

Kisah Para Rasul 6:15

Asi témpo itu, pakasa é tou sé makalukut a Mahkamah Agama tuméinteng si Stefanus wo sérén éra en amona masélap tanuoka malaékat.

Kisah Para Rasul 7:37

Wo si Musa anio' ka'i si icumua a sé tou Israel tana'i, ‘Angkaien oka i Amang Kasuruan esa nabi tanu yaku torona miow, an uner é poo-poow iow.’

Roma 12:10

Meupu-upusano mangé kamu si esa wo si esa tanu mepoow an esa paémanen. Wo kamu mengarior angé mawéé in siri' a sé tou walina.

1 Korintus 6:10

sé tou rombit, sé tou rakus, sé tou lalangun, sé tou mengawuruk i ngaran é tou walina wo sé tou mengauwak, sé tou tanu siitu ra'ica mamuali tou i Amang Kasuruan ang Kakolanoan-Na.

1 Korintus 6:6

Taan kamu é tou maéman, an tutuw awéan kaperéndéran ai camu, ra'ica niurus iow in esa eng kaperéndéran itu taan taré aipapaurus iow am pengadilan a si akim si ra'ica esa paémanen.

1 Tesalonika 4:6

Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.

Titus 3:2

Musti ita'néimu mangé ai séra, ra'ica toro mengawuruk i ngaran é tou walina wo ra'ica toro meindo-indoan roma'. Aweso taré em peri éra musti loor wo ka'i ko'kos en até a sé im pakasa in tou.

Ibrani 12:25

Ampa'paan in ituo, sa si Amang Kasuruan maroma' ai camu tioo ipakélong. Indior sé tou Israel ra'ica mengalinga in taar i Amang Kasuruan sé ipakua i Musa ai séra ang kayo'baan, akar séra makéré in ukuman. Wopé'taré icita anio', sa kita ra'ica mengalinga in taar-Na si an sorga owo, tantu kita ra'ica icaséip an ukuman.

Ibrani 5:9

Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia.

Yakobus 2:20

Éi camu sé tou bodok! Masalé' réén pangakun iow intarépé' sapaoka em paémanenmu ra'ica wana torona sa ra'ica pengaémaan?

Yakobus 3:6

En lila' itu meputé ka'i wo en api. En lila' itu waya in tekic an owakta wo ro'na luméwo' in owakta wo tumunu waya ing katouanta. En lila' itu imaléwo' taniitu ampa'paan en lila' itu meputé wo si kikiiten é sétang iméé mai in api asi api si ra'ica mape'de-pe'del.

1 Petrus 2:23

An tutuw Sia ipawa'ba' é tou, ra'ica kiim-Na sumuli' imawa'ba' iséra. An tutuw Sia pengaokoien, ra'- ica kiim-Na in sumundur. Taan Sia isumarakanke' in owak-Na a si Amang Kasuruan, si Akim si ra'ica marapit.

1 Petrus 3:9

Wo tioo sé léwo' suliin iow in léwo', kuma'pa ipawa'ba' é tou suliin iow ka'i i mengawa'ba'. Mekiupuso mangé a si Amang Kasuruan wosama' séra wéan-Na mai ing kamang, ampa'paan kamu tinowa i Amang Kasuruan e méé ing kamang a sé tou walina wo in taniitu kamu ka'i makéré ing kamang.

1 Yohanes 2:9

Si séi si mengakua sa sia menonou an sendot taan icasuutna si poowna, sia tanuoka menonou ang kariréimbengan akar intarépé'.

1 Yohanes 3:10

Si anioo en tuus toya-toyaang i Amang Kasuruan wo toya-toyaang i kikiiten é sétang: En tou si ra'ica maéma' im butul wo ra'ica mengaupus sé poo-poowna, sia itu ra'ica asi Amang Kasuruan owo.

1 Yohanes 5:16

Sa awéan tou isuméré si poowna mengaéma' ing kamesé-meséaan, wo eng kamesé-meséaan itu ra'ica imakawali si poowna itu am papaté, si tou isuméré in itu musti sumombayang angé a si Amang Kasuruan wosama' si poow itu wéan-Na katouan akar ing kauré-uré. Taan awéan kamesé-meséaan imakawali si tou am papaté. Wo andumoro' si tou mengaéma' ing kamesé-meséaan tanu siitu, ra'ica icuaku sapaoka kita musti sumombayang torona i tou itu.

Yudas 1:9

Sédangkan si Mikhael in esa si kikiiten é malaékat, sia maindé'ke' tumudu a si kikiiten é sétang imaké i nunuwu' si mengaojat an tutuw meindo-indoan roma' wo isia andumoro' i mayat i Musa. An tutuw itu si Mikhael asaloke' icumua in tana'i, “Mandéo si Amang Kasuruan oka en tumegor in depet ai co!”

Wahyu 20:14

Kekawus in itu, em papaté wo eng kakolanoan im papaté iténdél an untep in ta'sic api. En ta'sic api ituo en tampa ukuman si patuulen papaté karua.