Matius 5:18 - En Taar Weru a nunuwu' é Tontemboan

¹⁸ En ulitna icua-Ku mangé ai camu, ang kauré in da'ipé' maka'pu en langit wo eng kayo'baan anio', esake' urup kuma'pa esake' titik ra'ica kawisa pisin an ukum Torat, sa ra'ipé' imamuali waya.

Matius 5:18 ပူးပေါင်းရင်းမြစ်များ

Matius 10:15

En ulitna icua-Ku mangé ai camu, asi endo kaka'puan ing kayo'baan sé tou ang kota Sodom wo ang Gomora lébé porakai en ukumanna wo taré sé tou ang kota itu.”

Matius 10:23

Sa kamu okoien é tou an esa kota, tumincaso mangé ang kota walina. En ulitna icua-Ku mangé ai camu, ra'ipé' pinakaangéan iow waya eng kota-kota an Israel, si Toyaang i Tou imayo.

Matius 10:42

Si séike' e méé elepen, mandé wayake' in sanga gelas rano uting a si esa tou wawa' anio' ampa'paan sia mengakiit Yaku, en ulitna icua-Ku mangé ai camu, sia ra'ica kawisa katalaan in laasana.”

Matius 11:11

En ulitna icua-Ku mangé ai camu, an uner é tou si aitou é wéwéné ra'ica wana en lumébémai eng kawangko' wo si Yohanes Mabaptis. Taan sé tou ipawawa-wawa' ang Kakolanoan in Sorga, lumébémai eng kawangko' wo si Yohanes Mabaptis.

Matius 13:17

En ulitna icua-Ku mangé ai camu, indior, kelian nabi wo sé tou wutul masalé' suméré sapa si sinéréo miow, taan ra'ica sinéré éra. Wo séra masalé' luminga sapa en liningao miow, taan ra'ica lininga éra.

Matius 16:28

En ulitna icua-Ku mangé ai camu, an unér é tou sé lumili am bia'i, awéan sé ra'ipé' maté sa ra'ipé' isuméré si Toyaang i Tou maai tanu Kolano ang Kakolanoan-Na.”

Matius 17:20

Wo isowat i Yesus ai séra, “Kamu ra'ica makawoo musér si sétang itu ampa'paan kamu ra'ica mauli-ulit maéman. En ulitna icua-Ku mangé ai camu, sa kamu uli-ulit maéman, mandé em paémanen iow waya ka'i in sangatekic puté im batuna tumeki-tekic, kamu ro'na rumu'du' si kuntung anio', ‘Icaérao mangé!’, tantu eng kuntung itu icaéra oka. Anaé, pakasa ro'na émaan iow, sa kamu uli-ulit maéman. [

Matius 18:18

En ulitna icua-Ku mangé ai camu, sapake' em pinéromu émaan é tou ang kayo'baan, péronen ka'i i Amang Kasuruan si maento' an sorga. Taniitu ka'i sapake' e niénanmu émaan é tou ang kayo'baan, en itu ka'i énan i Amang Kasuruan si maento' an sorga.

Matius 18:3

Wo icua-Na ai séra, “En ulitna icua-Ku mangé ai camu, sa kamu masalé' muntep ang Kakolanoan in Sorga, kamu musti mape'dis wo robano mangé em peri miow meputé im peri i toyaang teké' anio'.

Matius 19:23

Wo icua i Yesus a sé murit-Na, “En ulitna icua-Ku mangé ai camu, susa keli sé tou siya' muntep ang Kakolanoan in Sorga.

Matius 19:28

Icua i Yesus ai séra, “En ulitna icua-Ku mangé ai camu, ang kayo'baan weru, si Toyaang i Tou lumukut oka am palukutan-Na iparayo-rayo wo pasiri-siriin e makim waya sé tou. An tutuw itu, kamu im baya é murit-Ku lumukut oka ka'i asi sangapulu' rua palukutan pasiri-siriin mewali-wali wo Yaku e makim sé sangapulu' rua suku é Israel.

Matius 21:21

Isowat i Yesus ai séra, “En ulitna icua-Ku mangé ai camu, sa kamu mercaya wo ra'ica marua-rua wasa, kamu ro'na iméma' tanu si niéma'-Ku asi tuur in ara itu. Wo ro'na ka'i peréntan iow si tolaina anio', ‘Icaangkaio wo icawangkilo mangé an ta'sic!’, tantu en itu mamuali oka.

Matius 21:31

Anaé, sa iciit icamu, si séi ai séra in dua e méma' ing kasalé'- an i amang éra?” Isowat éra, “Si toyaang luluna.” Wo icua i Yesus ai séra, “En ulitna icua-Ku mangé ai camu, sé matagi im pajak wo sé wéwéné sundal en dior muntep ang Kakolanoan i Amang Kasuruan wo icamu.

Matius 23:36

En ulitna icua-Ku mangé ai camu, pakasa sé andumoro' ing kaléwo'an itu pamuléngen oka é tou menonou intarépé'.”

Matius 24:2

Wo icua-Na ai séra, “Sérén iow sé wangunan itu. En ulitna icua-Ku mangé ai camu, awéan en orasna sé wangunan itu pakatongka-tongkaren oka, akar ra'io wana esa watu am bia'i e meliunsunan am bawo im batu walina.”

Matius 24:47

En ulitna icua-Ku mangé ai camu, si ata itu angkaien oka i tuangna wo mamuali mandor am pakasa ing kasiyaanna.

Matius 25:12

Taan aisowatke' i tuama kumawéng itu, ‘Ra'ica katuusanku kamu.’ ”

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Matius 25:45

Isowat-Na oka ai séra in tana'i, ‘En ulitna icua-Ku mangé ai camu, an tutuw iow ra'ica itumawang esaan asé poo-poow-Ku si ipawawa-wawa', en itu meputé kamu ra'ica itumawang Yaku.

Matius 5:26

En ulitna icua-Ku mangé ai camu, sa kamu ayuntepo am bui, kamu ra'ipé' toro icesot sa ra'ipé' pinakawéran iow waya en utang iow si aitantu i akim.”

Matius 6:16

“Sa kamu mengapuasa, tioo en amo miow susa tanu sé tou punek. En amo éra mapa in susa kéndoon, wosama' sérén é tou sapaoka séra ang karoro'an i mapuasa. En ulitna icua-Ku mangé ai camu, siituo en laasa si kinéréano éra.

Matius 6:2

Anaé, sa kamu méé sapa-sapake' en tumawang sé tou lengéi, tioo ipakua-kua tanu sé pengaémaan é tou punek am balé-walé paapo'an é agama Yahudi wo an lala-lalan wosama' séra irayo é tou. En ulitna icua-Ku mangé ai camu, séra makéréo in laasa éra.

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Markus 10:15

En ulitna icua-Ku mangé ai camu, si séi si ra'ica sumungkul ing Kakolanoan i Amang Kasuruan tanu sé toyaang teké' anio', sia ra'ica kawisa muntep ang Kakolanoan-Na.”

Markus 10:29

Isowat i Yesus, “En ulitna icua-Ku mangé ai camu, si séike' mangé en tumela'u im baléna, kuma'pa sé kapetuarina tuama kuma'pa wéwéné kuma'pa poowna wéwéné, kuma'pa si inangna kuma'pa si amangna, kuma'pa sé toyaangna kuma'pa in umana ampa'paan Yaku wo ampa'paan makua in Abar Kaaruien,

Markus 11:23

En ulitna icua-Ku mangé ai camu, si séike' mangé eng kumua a si cuntung anio', ‘Icaangkaio wo icawangkilo an ta'sic!’ Asalo en aténa ra'ica marua-rua wasa taan uli-ulit maéman sapaoka en aicuana itu mamuali oka, en itu tantu mamuali oka.

Markus 12:43

Wo towan i Yesus sé murit-Na wo kumua, “En ulitna icua-Ku mangé ai camu, si aipumpun i wéwéné balu lengéi am piti raragésan anio' eng kumeli mai wo sé aipumpun é pakasa é tou itu.

Markus 13:30

En ulitna icua-Ku mangé ai camu, sé tou menonou intarépé' ra'ipé' maté sa pakasa en itu ra'ipé' mamuali.

Markus 14:18

Ang karoro'an éra i makalukut makan am bitu, icua i Yesus, “En ulitna icua-Ku mangé ai camu, awéan esaan tou ai camu en sumarakan oka Yaku. Si tou itu lumukut kuman mewali-wali wo Yaku.”

Markus 14:25

En ulitna icua-Ku mangé ai camu, ra'io kawisa ka'i Aku melep in anggor anio' akar asi endona Aku melep in anggor weru ang Kakolanoan i Amang Kasuruan.”

Markus 14:30

Wo icua i Yesus ai sia, “En ulitna icua-Ku ai co, asi endo anio' asi wengi anio'ke', ra'ipé' kumukuk karua si co'ko', ico isumangkalo Yaku makatelu.”

Markus 14:9

En ulitna icua-Ku mangé ai camu, am bisake' sé tou makua in Abar Kaaruien-Na a sé tou ang kayo'baan, tantu ipakua éra sapa e niéma' i wéwéné anio' a Yaku, en tuma'néi sia.”

Markus 3:28

En ulitna icua-Ku mangé ai camu, pakasa eng kamesé-meséaan wo en ojat sapake' mangé sé ipakua é toya-toyaang i tou ro'napé' kaampungan.

Markus 6:11

Taan sa asi esa tampa ra'ica kiim é tou tumerima wo ra'ica kiim luminga icamu, tela'uo mio' en tampa itu. Wo itangkaro' mio' en awu ang kécéi iow, tanu tata'néi ai séra.”

Markus 8:12

Kelinga in itu, en até-Na matapé wo kumua, “Kéitu réén sé tou intarépé' anio' mangilek tuus? En ulitna icua-Ku mangé ai camu, sé tou anio' ra'ica kawisa wéan-Ku tuus.”

Markus 9:1

Icua-Na ka'i ai séra, “En ulitna icua-Ku mangé ai camu, an unér iow sé lumili am bia'i, awéan sé ra'ipé' maté sa ra'ipé' sinéré éra si Amang Kasuruan kumawasa tanu Kolano.”

Markus 9:41

En ulitna icua-Ku mangé ai camu, si séike' e méé ai camu sanga gelas rano elepen ampa'paan kamu mengakiit si Kristus, sia ra'ica kawisa katalaan in laasana.”

Lukas 11:51

tumo'tolke' mai ing kepaté i Habel, akar ing kepaté i nabi Zakharia, si pinaté ang kintal im Balé Le'nas am paawuun im pawetaan i raragés wo ing Kamar Le'nas. Icua-Ku ai camu, pakasa en tou menonou intarépé', ukumen oka i Amang Kasuruan ampa'paano sé niéma' é apo-apo' miow itu.

Lukas 12:37

Pakakamangen sé ata sa kaumaan i tuang éra ang karoro'an i mengento-ngento' sia an tutuw sia i maréngai. En ulitna icua-Ku mangé ai camu, si tuang itu tu'tulo en sumelewir sé atana itu, wo iru'du'na séra lumukut wo wéanna kanen.

Lukas 13:35

Ampa'paan in ituo, eng kotamu itela'u oka wo mamuali oka lulu in tou. Icua-Ku ai camu, Yaku ra'io kaséréan iow. Taan asi orasna, sérén iow oka Aku wo icua miow, ‘Irayoo mangé Sia si mai ang karapi ngaran i Amang Kasuruan.’ ”

Lukas 16:17

Mandé in taniitu en ukum Torat awéan akar ing kauré-uré. Mandé en langit wo eng kayo'baan catala, taan en ukum Torat ra'ica wana em batalen mandé esake' urup.

Lukas 18:17

En ulitna icua-Ku mangé ai camu, si séi si ra'ica sumungkul ing Kakolanoan i Amang Kasuruan tanu sé toyaang teké', sia ra'ica kawisa muntep ang Kakolanoan-Na.”

Lukas 18:29

Icua i Yesus ai séra, “Icua-Ku ai camu, si séike' en tumela'u im baléna, kuma'pa si penanaanna, kuma'pa sé poo-poowna, kuma'pa sé matu'ana kuma'pa sé toyaangna ampa'paan mengaselewir a si Amang Kasuruan,

Lukas 23:43

Icua i Yesus ai sia, “En ulitna icua-Ku ai co, asi endo anio'ke', ico mewali-wali oka wo Yaku an sorga.”

Lukas 4:24

Wo icua-Na ka'i ai séra, “Iwéé mio' sumama-sama' an dékén, ra'ica wana nabi si pengasiriin an doongna in esa.

Yohanes 1:51

Icua ka'i i Yesus, “En ulitna icua-Ku mangé ai camu, sérén iow oka en langit mawuka' wo sé malaékat i Amang Kasuruan sumosor wo meros maai a Yaku Toyaang i Tou.”

Yohanes 10:1

Si Yesus maroma' mengapaké in andéan, “En ulitna icua-Ku mangé ai camu, si séike' si muntep am pakurungan é domba, wo ra'ica icumiit im papalen taan asaloke' ilumaput am pager, sia itu rombit wo tou mengarampok.

Yohanes 10:7

Ampa'paan in itu icua ka'i i Yesus, “En ulitna icua-Ku mangé ai camu, Yakuo em papalen é domba itu.

Yohanes 12:24

En ulitna icua-Ku mangé ai camu, sa en lulumbo ra'ica ayusew an tana' wo maté, en lulumbo itu kasake' esa. Taan sa en lulumbo itu maté, en lulumbo itu méé oka keli wua'na.

Yohanes 13:16

En ulitna icua-Ku mangé ai camu, si esa ata ra'ica lumébémai wo si tuangna, kuma'pa si esa tou ayutus ra'ica lumébémai wo si tou si mutus sia.

Yohanes 13:38

Isowat i Yesus ai sia, “Uli-ulit réén ko masalé' maté ampa'paan Yaku? En ulitna icua-Ku ai co, si co'ko' ra'ipé' kumukuk, ico isumangkalo Yaku makatelu.”

Yohanes 14:12

En ulitna icua-Ku mangé ai camu, si séike' si maéman a Yaku, émaanna oka ka'i en tuu-tuus kakaya'kaan si meputé wo sé niéma'-Ku. Wo ka'i ro'na kaémaan-Na sé tuu-tuus kakaya'kaan sé wangko' mai wo sé niéma'-Ku itu, ampa'paan Aku maangém a si Amang-Ku.

Yohanes 16:20

En ulitna icua-Ku mangé ai camu, an tutuw-Ku i maangém a si Amang, paamé'an iow oka Aku akar in sesendu'an, taan sé tou ang kayo'baan sé ra'ica maéman a Yaku maaru-arui oka. Wo kamu mawendu oka, taan eng kawenduan iow sawelan oka mai ing kaaruian.

Yohanes 16:23

Wo asi endo itu, kamu ra'io ka'i sangali mamuéi sapa-sapa a Yaku. En ulitna icua-Ku mangé ai camu, sapake' em pangileken iow a si Amang-Ku a ngaran-Ku, iwéé-Na oka mai.

Yohanes 21:18

En ulitna icua-Ku mangé ai co, an tutuw ko wo'basé', ico in esa mengawa'kes im pinggangmu wo ico mawaya' am bisake' si casalé'mu. Taan sa ko matu'ao, wéému oka eng kamamu wa'kesen é tou walina wo iwali éra oka an tampa si ra'ica icasalé'mu.”

Yohanes 3:11

En ulitna icua-Ku mangé ai co, ipakua ami sapa sé kailekan ami, wo em pasairi ami sapa sé sinéréo ami, taan kamu sé kikiiten é tou Yahudi ra'ica kiim tumerima ing kasairian ami.

Yohanes 3:3

Isowat i Yesus, “En ulitna icua-Ku mangé ai co, sa si esa tou ra'ica touen sumawel sia ra'ica mamuali tou i Amang Kasuruan ang Kakolanoan-Na.”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Yohanes 5:19

Wo isowat i Yesus ai séra in tana'i, “En ulitna icua-Ku mangé ai camu, Yaku Toyaang i Amang Kasuruan ra'ica toro méma' in sapa-sapa sa asaloke' kumiit ing kasalé'an-Ku in esa. E niéma'-Ku asaloke' sapa sé sinéré-Ku niéma' i Amang-Ku. Ampa'paan sapa sé niéma' i Amang, siituo en émaan i Toyaang.

Yohanes 6:26

Wo isowat i Yesus ai séra, “En ulitna icua-Ku mangé ai camu, pinangéré miow Aku ra'ica ampa'paan sinéréo miow en tuu-tuus kakaya'kaan si niéma'-Ku wo makailek sa si séi réén Aku, taan pinangéré miow Aku ampa'paan kamu icumano i roti itu akar mawesu.

Yohanes 6:32

Wo icua i Yesus ai séra, “En ulitna icua-Ku mangé ai camu, indior ra'ica si Musa e méé ing kakanen si an sorga owo itu a sé apo-apo' miow, taan si Amang-Ku. Wo intarépé' si Amang-Ku méé ai camu kakanen wutul an sorga owo.

Yohanes 6:47

En ulitna icua-Ku mangé ai camu, si séike' si maéman a Yaku, sia itu ro'na menonou akar ing kauré-uré.

Yohanes 6:53

Wo icua i Yesus ai séra, “En ulitna icua-Ku ai camu, sa ra'ica kanen iow en owak-Ku si Toyaang i Tou wo melep in enda'-Ku, kamu ra'ica menonou akar ing kauré-uré.

Yohanes 8:34

Icua i Yesus ai séra, “En ulitna icua-Ku mangé ai camu, si esa wo si esa tou sé mengaéma' ing kamesé-meséaan, sia itu mamuali ata ing kamesé-meséaan.

Yohanes 8:51

En ulitna icua-Ku mangé ai camu, si séike' e makiit in aicua-Ku sia ra'ica maté akar ing kauré-uré.”

Yohanes 8:58

Isowat i Yesus ai séra, “En ulitna icua-Ku mangé ai camu, tutuw i Abraham ra'ipé' itumou, Yaku anio' awéano.”

1 Petrus 1:25

Taan en Taar i Amang Kasuruan awéan melala'us akar ing kauré-uré.” Si Taar ituo, en Abar Kaaruien andumoro' i Yesus Kristus si aicuao ai camu im baya.

Wahyu 20:11

Wo kaséréanku awéan esa palukutan pasiri-siriin kulo' wangker wo Sia si makalukut am bawona. Wo an dior-Na en tana' wo en langit icatala wo ra'io ka'i peta'up en tampana.