Matius 5:17 - En Taar Weru a nunuwu' é Tontemboan

¹⁷ “Tioo paweroten iow sa Aku maai ang kayo'baan e mai misi in ukum Torat kuma'pa ing kitap é nabi. Yaku mai ra'ica misi in itu taan mai lumekep waya in itu.

Matius 5:17 ပူးပေါင်းရင်းမြစ်များ

Matius 3:15

Wo isowat i Yesus ai sia, “Mandéo ico e maptis Yaku. Wo in taniitu niéma'tao eng kasalé'an i Amang Kasuruan.” Kelinga in itu, kiitan i Yohanes en aicua i Yesus.

Matius 7:12

Sapa sé icasalé' miow émaan é tou walina ai camu, tanu siituo si musti émaan iow a sé tou itu. Siituo en sususuien ang kitap Torat wo ang kitap é nabi.”

Lukas 16:17

Mandé in taniitu en ukum Torat awéan akar ing kauré-uré. Mandé en langit wo eng kayo'baan catala, taan en ukum Torat ra'ica wana em batalen mandé esake' urup.

Yohanes 8:5

An ukum Torat pinerénta i Musa ai cita e mangkil im batu akar imaté sé wéwéné tanu siitu. Tambisa sa iciit si Guru andumoro' in anio'?”

Kisah Para Rasul 18:13

Wo icua éra a si gubernur Galio, “Si tou anio' matawér sé tou keli, wosama' maapo' a si Amang Kasuruan ang karapi in lalan si membalinaan wo in ukum Torat.”

Kisah Para Rasul 21:28

Séra mangko', “Éi tou Israel, tawangen kami! Siao si mangé am bisa-wisa e masusui pakasa sé tou ang karapi in sususuien sé makélong sé touta Israel wo en ukum Torat wo em Balé Le'nas anio'! Wo intarépé' sia makawali mai sé tou ra'ica Yahudi am Balé Le'nas anio' wo méma' in tampa le'nas anio' manajis!”

Kisah Para Rasul 6:13

Asi tampa itu ru'du' éra piraan tou en sumairi in towo andumoro' i Stefanus. Icua é tou sé mengasairi itu, “Si tou anio' ra'ica mento' mengawéé in léwo' andumoro' im Balé Le'nas anio' wo en ukum Torat.

Roma 10:4

Wo en ukum Torat linekepo i Kristus. Anaé, sa sé tou maéman ai Sia, séra nianggap wutul i Amang Kasuruan.

Roma 3:31

Sa taniitu, ra'io réén wana eng katoronaan en ukum Torat itu ampa'paan kita maémano a si Yesus? Ra'ica taniitu! Taan ampa'paano taré kita maéman, en ukum Torat itu émaanta i mauli-ulit.

Roma 8:4

Niéma' i Amang Kasuruan in taniitu wosama' kita mamuali tou wutul, meputé ing kasalé'an-Na sé aipatic an ukum Torat. Wo kita ro'na menonou makiit ing kasalé'an i Roh-Na, ra'ica kumiit ing kasalé'an in owakta.