Matius 5:15 - En Taar Weru a nunuwu' é Tontemboan

¹⁵ Taniitu ka'i ra'ica wana tou méngkét in sosoloan wo kelewenna im bantang. Tantu iweta'na am patuliran in sosoloan akar ro'na sumendot waya sé tou am balé itu.

Matius 5:15 ပူးပေါင်းရင်းမြစ်များ

Markus 4:21

Kekawus in itu icua ka'i i Yesus ai séra, “Si séi e méngkét in sosoloan wo iweta'na an darem im bantang kuma'pa an darem im patekelan? Tantu musti iweta'na am patuliran in sosoloan.

Lukas 11:33

“Ra'ica wana mandé esake' tou e méngkét in sosoloan wo iweta'na an darem im balé kuma'pa kelewenna im bantang. Tantu iweta'na en sosoloan itu am patuliran in sosoloan wosama' pakasa en tou sé muntep am balé itu suméré in sendotna.

Lukas 11:36

Sa en owak iow sendot wo ra'ica wana e riréimbeng, tantu eng katouan iow uli-ulit sendot. En itu meputéo in sendot in sosoloan mengasendot icamu.”

Lukas 8:16

“Ra'ica wana tou méngkét in sosoloan wo kelewenna im bantang, kuma'pa iweta'na an darem im patekelan. Taan iweta'na am patuliran in sosoloan wosama' pakasa en tou imuntep am balé ro'na suméré in sendotna.

Filipi 2:15

wosama' kamu menonou ang karapi in até weresi wo ra'ica wana kaséaan. Wo in taniitu, ituru' miow sapaoka kamu toya-toyaang i Amang Kasuruan sé ra'ica wana kaséaan an uner é tou léwo' wo a sé tou icasélé'kow. Anaé icamu oka e mamuali sendot an unér éra kaputé sé sumesendot mengatélang an untep ing kayo'baan.

Ibrani 9:2

Em pengaapo'an ituo en ténda paapo'an si niéma' mamuali rua kamar. Asi kamar kataré, awéan totombol patuliran in sosoloan wo méja ang karapi i roti iparagés. Eng kamar kataré itu pengatuulen Kamar Le'nas.

Wahyu 2:5

Ampa'paan in itu, ta'néieno am bisa owo en linepokan iow wo mape'diso mangé. Wo émaano mangé tanu sé niéma' miow indior tutuw iow werupé' maéman. Sa kamu ra'ica mape'dis, Yaku maai oka ai camu, wo mindo in totombol patuliran in sosoloan iow an tampana.