Matius 5:10 - En Taar Weru a nunuwu' é Tontemboan

¹⁰ Pakakamangen sé tou paoko-okoien ampa'paan maéma' ing kasalé'an i Amang Kasuruan, ampa'paan sérao e makaanu ing Kakolanoan in Sorga.

Matius 5:10 ပူးပေါင်းရင်းမြစ်များ

Matius 10:23

Sa kamu okoien é tou an esa kota, tumincaso mangé ang kota walina. En ulitna icua-Ku mangé ai camu, ra'ipé' pinakaangéan iow waya eng kota-kota an Israel, si Toyaang i Tou imayo.

Matius 19:14

Taan icua i Yesus a sé murit-Na, “Iwayao mio' sé toyaang itu maai a Yaku! Tioo pepéro-péronen séra, ampa'paan sé tou tanu sé ituo e makaanu ing Kakolanoan in Sorga.”

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Matius 5:3

“Pakakamangen sé tou lengéi an dior i Amang Kasuruan, ampa'paan sérao e makaanu ing Kakolanoan in Sorga.

Markus 10:14

Keséré in itu, icae'bow i Yesus séra wo icua-Na, “Iwayao mio' sé toyaang itu mai a Yaku. Tioo pekala-pekalaan séra, ampa'paan sé tou tanu sé ituo e makaanu ing Kakolanoan i Amang Kasuruan.

Markus 10:30

si tou itu, an jaman anio'ke' makéré oka sumawel sangaatus lumepet: walé, kapetuari tuama kuma'pa wéwéné, inang, toyaang wo uma, mandé ka'i meta'up in okoi, wo an jaman mengangai kéréanna oka eng katouan akar ing kauré-uré.

Lukas 21:12

Taan ra'ipé' mamuali waya en itu, kamu tangkaan owo wo okoien oka é tou. Wo isarakan éra oka kamu am balé-walé paapo'an é agama Yahudi en akimen wo yuntep am bui wo iwali éra oka ka'i a sé kolano wo a sé makakawasa ampa'paan kamu makiit Yaku.

Lukas 22:29

Ampa'paan in ituo, wéan-Ku oka hak kamu eng kumawasa tanu kolano, meputé si Amang-Ku iméé hak a Yaku eng kumawasa tanu Kolano.

Lukas 6:20

Wo sérén i Yesus sé murit-Na wo kumua, “Pakakamangen kamu sé tou lengéi, ampa'paan icamuo e makaanu ing Kakolanoan i Amang Kasuruan.

Lukas 6:22

Pakakamangen kamu sa kamu icasuut é tou, ra'ica wana tou eng kumarapi, kamu ipawawa' é tou wo pawuruken éra e ngaran iow, ampa'paano kamu makiit Yaku, si Toyaang i Tou.

Yohanes 15:20

Ta'néieno mangé sapa sé aicua-Kuo ai camu: Si esa ata ra'ica lumébémai wo si tuangna. Sa séra imokoio Yaku, séra ka'i mokoi oka icamu. Sa émaan éra en taar-Ku, émaan éra oka ka'i sé aicua miow.

Kisah Para Rasul 5:40

Wo towan éra sé ruru'du'an itu wo tepian éra. Wo pinéro éra ka'i sé ruru'du'an itu wosama' ra'io sumusui maké i ngaran i Yesus. Kumawus ako itu iwekar éra sé ruru'du'an itu.

2 Korintus 4:17

Wo eng kawenduan sé papendamen ami intarépé' ra'ica uter wo ang karoro'anke'. Taan teriman ami oka eng kaaruian si ra'io icakua wo eng kaaruian itu akar ing kauré-uré. Eng kaaruian itu ilumébé mai wo ing kawangko' sa ipeputé wo ing kawenduan si pinendam ami mai.

Filipi 1:28

Kamu ra'ica toro maindé' a sé tou sé mengasundur icamu. Sa kamu ra'ica maindé', kailekan éra oka sapaoka sérao sé ukumen patén wo icamuo sé lowiren oka i Amang Kasuruan.

2 Timotius 2:12

Sa kita kasake' le'tek maéman ai Sia, kita ka'i merénta oka sé tou mewali-wali wo Sia. Sa kita kumua ra'ica makatuus Sia, Icua-Na oka ka'i Sia ra'ica makatuus icita.

2 Timotius 3:11

Kailekanmu ka'i tambisa sé tou mokoi yaku ang kota Antiokhia, an Ikonium wo an Listra akar aku mawendu ulit. Taan aku aiwekar i Casuruan am pakasa in itu.

Yakobus 1:12

Pakakamangeno sé tou talesen masaru im pangepé'an wo kasake' maéman a si Amang Kasuruan, ampa'paan kéréanna oka e mahkota ing katouan akar ing kauré-uré si aijanji-Nao a sé tou sé mengaupus ai Sia.

Yakobus 5:11

En ulitna, sé tou talesen makiit si Casuruan mandé ka'i meta'up ing kawenduan, séra itu tou pakakamangen. Wo tantu pinalingao miow andumoro' ing katalesenan i Ayub. Wo kailekan iow kekawus ako in itu, sia kinamang i Amang Kasuruan, ampa'paan si Amang Kasuruan taloso taupus wo wuta ing kaupusan a sé tou.

1 Yohanes 3:12

Kita ra'ica toro kaputé i Kain si kinawasa i kikiiten é sétang, wo imaté si tuarina in esa. Kéitu réén pinaténa si tuarina itu? Ampa'paan pakasa sé niéma'na itu léwo' wo sé niéma' ituarina itu wutul.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.