Matius 5:1 - En Taar Weru a nunuwu' é Tontemboan

¹ Keséré i Yesus sé tou keli itu, Sia sumosor an tolaina. An tutuw Sia lumukut, mai sé murit-Na ai Sia.

Matius 5:1 ပူးပေါင်းရင်းမြစ်များ

Matius 13:2

Wo rérot oka sé tou keli mai mali'us lumi'cir Sia. Ampa'paan in itu Sia sumaké an londéi wo lumukut am bitu, taan sé tou keli itu makatulung an tembir in lour.

Matius 15:29

Kekawus in itu, si Yesus tumela'uo in tampa itu wo maya' an tembira in lour Galilea. Wo séra sumosor an tolaina wo lumukut am bitu.

Matius 4:25

Ampa'paan in ituo sé tou keli meréro-rérot makiit si Yesus. Séra an sangkum ing Galilea owo, Dekapolis, Yerusalem, Yudea wo an lewet in doyongan Yordan wo mai am bitu.

Matius 5:2

Wo tumo'tolo Sia sumusui ai séra, icua-Na,

Markus 3:13

Kekawus in itu si Yesus sumosor an esa tolaina. Towan-Na sé tou sé sinisir-Na wo séra mai ai Sia.

Markus 3:20

Kekawus in itu, si Yesus muntep an esa walé. Am bitu ka'i keli en tou mai mali'us, akar Sia wo sé murit-Na ra'io wana ka'i témpo eng kuman.

Markus 4:1

Asi makasa si Yesus tumo'tol ka'i masusui an tembir in lour Galilea wo kelian en tou mai mali'us ai Sia. Ampa'paan in itu, Sia sumaké an londéi si ang karoro'an i makasuwa' an tembir in lour wo Sia lumukut am bitu. Wo sé tou keli an tembir in lour.

Lukas 6:12

Asi makasa, si Yesus mangé an esa tolaina en sumombayang. Am bitu Sia sangawengi menomba-nombayang a si Amang Kasuruan.

Lukas 6:17

Kumawus in itu, si Yesus wo sé sangapulu' rua murit-Na mewali-wali merosio' in tolaina wo séra mento' an esa ataran. Am bitu imali'uso sé tou keli makii-kiit Sia wo kelian ka'i sé tou walina imai an Yudea owo, ang kota Yerusalem owo wo asé rua kota an tembir in ta'sic makangaran Tirus wo in Sidon.

Lukas 6:20

Wo sérén i Yesus sé murit-Na wo kumua, “Pakakamangen kamu sé tou lengéi, ampa'paan icamuo e makaanu ing Kakolanoan i Amang Kasuruan.

Lukas 9:28

Kelangkoi angé wona' walu ngando kekawus i Yesus mengasusui andumoro' pakasa in itu wo towan-Na si Petrus, si Yohanes wo si Yakobus sumosor angé an esa kuntung en sumombayang.

Yohanes 6:15

Kailekan i Yesus sapaoka Sia leséén éra e mamuali kolano éra, akar Sia in esa mangé sumingkir an tolaina.