Matius 4:25 - En Taar Weru a nunuwu' é Tontemboan

²⁵ Ampa'paan in ituo sé tou keli meréro-rérot makiit si Yesus. Séra an sangkum ing Galilea owo, Dekapolis, Yerusalem, Yudea wo an lewet in doyongan Yordan wo mai am bitu.

Matius 4:25 ပူးပေါင်းရင်းမြစ်များ

Matius 12:15

Kailekan i Yesus em pinepaar éra, ampa'paan in itu itela'u- Na en tampa itu. Taan keli en tou sé makii-kiit Sia wo séra im baya sinama'Na.

Matius 19:2

Kelian sé tou makiit Sia, wo sé tou sumakit an uner éra sinama'-Na.

Matius 4:15

“En tana' Zebulon wo en tana' Naftali, an tembir in lour Galilea, an lewet in doyongan Yordan, en tampa itu paento'an é bangsa ra'ica Yahudi.

Matius 5:1

Keséré i Yesus sé tou keli itu, Sia sumosor an tolaina. An tutuw Sia lumukut, mai sé murit-Na ai Sia.

Matius 8:1

Kekawus i Yesus merosio' in tolaina, sé tou keli meréro-rérot makiit Sia.

Markus 5:20

Kekawus in itu, si tou itu maréng wo tumo'tolo makua an sangkum in doo-roong si pengatuulen sangapulu' kota. Ipakuana waya e niéma' i Yesus ai sia, wo séra im baya mangaya-ngaya'ka'.

Markus 6:2

Asi endo Sabat tumo'tolo Sia masusui am balé paapo'- an é agama Yahudi. Asi témpo itu keli en tou mai luminga Sia, séra mangaya-ngaya'ka' wo kumua “Am bisa réén eng kinéréan-Na waya in anio'? Kapinteran sapa si aiwéé ai Sia? Tumambisa ro'na émaan-Na en tuu-tuus kakaya'kaan taniitu?

Markus 7:31

Wo itela'u i Yesus ka'i en sangkum in Tirus wo kumiit in Sidon e mangé an Lour Galilea, lumangkoi an sangkum in Dekapolis.

Lukas 6:17

Kumawus in itu, si Yesus wo sé sangapulu' rua murit-Na mewali-wali merosio' in tolaina wo séra mento' an esa ataran. Am bitu imali'uso sé tou keli makii-kiit Sia wo kelian ka'i sé tou walina imai an Yudea owo, ang kota Yerusalem owo wo asé rua kota an tembir in ta'sic makangaran Tirus wo in Sidon.

Lukas 6:19

Pakasa é tou itu rumaméji misu' Sia ampa'paan an owak-Na, palemboian ing kawasa e méma' iséra im baya masama'.