Matius 4:24 - En Taar Weru a nunuwu' é Tontemboan

²⁴ Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Matius 4:24 ပူးပေါင်းရင်းမြစ်များ

Matius 12:22

Kekawus in itu, iwali éra mai a si Yesus si esa tou si rinasuk i sétang. Si tou itu wola wo wowo', wo sia samaan i Yesus akar ro'nao maroma' wo maséré.

Matius 14:1

Asi témpo itu, en abar andumoro' i Yesus kinalingaano i Herodes, kolano an sangkum ing Galilea.

Matius 15:22

Wo mai si esa wéwéné Kanaan si an sangkum itu owo wo kumua, “Icaupusai aku é Tuang, taranak i Daud, ampa'paan si toyaangku wéwéné rinasuk i sétang wo wenduo keli.”

Matius 17:15

Wo icuana a si Yesus, “Tuang, icaupusai si toyaangku! Sia sumakit ayan wo wenduo keli. Sa tumou en sakitna, sia tatap mawalintuang an api kuma'pa an dano.

Matius 17:18

Wo peréntan i Yesus ang karapi in depet si sétang itu wo sia kumesot asi toyaang itu. Wo asi témpo ituke', si toyaang itu makala'us masama'.

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Matius 8:28

An tutuw i Yesus icateka' an lewet in lour, an sangkum é tou Gadara, mai sé rua tou sé rinasuk i sétang ang kubur owo e meta'up wo Sia. Séra itu léwo' keli akar ra'ica wana mandé esake' tou em brani lumangkoi an lalan itu.

Matius 8:33

Wo sé matéir sé wawi itu tumincas angé ang kota, icateka' mangé ang kota, wo isisil éra waya eng kamamualian itu, wo ka'i andumoro' sé imamuali a sé rua tou sé rinasuk é sétang.

Matius 8:6

“Tuang, si ataku makatekel oka am balé ampa'paan ing késo', sia wenduo keli.”

Matius 9:26

Eng kamamualian itu aicaseraro am pakasa in sangkum itu.

Matius 9:35

Wo si Yesus mangé lumi'cir im pakasa ing kota wo in doo-roong. Sia masusui am balé-walé paapo'an é agama Yahudi wo makua in Abar Kaaruien andumoro' ing Kakolanoan i Amang Kasuruan. Wo Sia ka'i sumama' sé tou sé membam-balinaan en sakit wo sé ra'ica lekep en owak.

Markus 1:28

Wo en abar andumoro' si Yesus makala'us icaserar am pakasa in tampa ang Galilea.

Markus 1:32

Tutuw matawio im bengi, keuntep ako i yéndo wo iwali éra mai waya sé tou sumakit wo sé tou rinasuk i sétang a si Yesus.

Markus 2:3

Ang karoro'an in itu iwali mai é tou a si Yesus si esa tou késo' si winuléng é epat tou.

Markus 2:4

Taan ampa'paan keli sé tou am bitu, akar ra'ica icawali éra mangé si tou itu a si Yesus. Anaé, wukaan éra en atep an dangka' mangé im pakatulungan-Na, wo itumpa éra mio' si tou késo' itu si pakatekel an tepé.

Markus 2:9

Si wisa en lébé taporak icua-Ku a si tou késo' anio', ‘Eng kamesé-meséaanmu niampungano’, kuma'pa ‘Tumooro, angkaieno en tepému wo maya'o’?

Lukas 2:2

Si anioo en sensus kataré-taré niéma' an tutuw i Kirenius mamuali gubernur an Siria.

Lukas 4:14

Si Yesus pakakawasan i Roh Le'nas wo Sia maréng angé ang Galilea. Wo en abar andumoro' si Yesus icaseraro am pakasa in tampa ang Galilea.

Lukas 4:38

Wo si Yesus kumesot am balé paapo'an é agama Yahudi itu wo mangé am balé i Simon. An tutuw itu si inang émpo i Simon sumakit paso' repet wo pekiupusen éra a si Yesus wosama' sumama' in sakitna.

Lukas 5:15

Taan en abar andumoro' i Yesus icaseraro taré am bisa-wisa. Wo kelian tou mai en luminga in sususuien-Na wo e mapasama' in sakit éra.

Lukas 5:24

Taan ituru'-Ku ai camu, wosama' kailekan iow sapaoka ang kayo'baan anio' si Toyaang i Tou awéan kawasa e méé kaampungan ang kamesé-meséaan.” Wo icua i Yesus a si tou késo' itu, “Tumulungo, angkaieno en tinekelanmu wo maréngo mangé am balému!”

Lukas 7:17

Wo icaseraro en abar andumoro' i Yesus am pakasa in tana' Yudea wo an li'cirna itu.

Yohanes 10:21

Taan awéan tou walina e makua, “Si aicua-Na itu ra'ica nunuwuun i tou rinasuk i sétang! Awéan réén sétang mengaéma' si tou wola ro'na suméré?”

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 15:23

Wo en surat itu aisarakan a si Barsabas wo si Silas, aipatic in tana'i: “Siri' a sé poo-poow esa paémanen sé ra'ica tou Yahudi sé maento' an Antiokhia, an Siria, wo eng Kilikia. En siri' anio' ai cami owo sé ruru'du'an wo sé penatua an Yerusalem.

Kisah Para Rasul 15:41

Si Paulus wo si Silas mangé an sangkum in Siria wo eng Kilikia wo kumeter im paémanen é tou maéman am bitu.

Kisah Para Rasul 28:9

Kumawusai eng kamamualian itu, sé tou sumakit am pulou itu mai ka'i a si Paulus wo séra ka'i sinama'na.

Kisah Para Rasul 8:7

An tutuw itu ka'i, si Filipus imusér sé sétang irumasuk sé tou keli wo sé sétang itu makala'us kumesot ang karapi i mengangko-ngangko'. Kelian ka'i sé tou késo' wo kénto' sé sinama'na.