Matius 4:23 - En Taar Weru a nunuwu' é Tontemboan

²³ Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Matius 4:23 ပူးပေါင်းရင်းမြစ်များ

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 12:9

Itela'u i Yesus en tampa itu wo Sia muntep am balé paapo'an é agama Yahudi.

Matius 13:19

En lulumbo sé irumongkor an tembir in lalan meputé wo sé tou luminga in taar andumoro' ing Kakolanoan in Sorga, taan ra'ica kaangéan éra. Wo mai si kikiiten é sétang mandét in taar itu si an untep in até éra.

Matius 13:54

Wo icateka'o mangé Sia an doong-Na, am bitu Sia sumusui a sé tou am balé paapo'an é agama Yahudi. Séra mangaya-ngaya'ka' wo kumua, “Am bisa réén eng kinéréan-Na ing kapinteran itu wo ing kawasa e méma' ing kakaya'kaan-kakaya'kaan itu?

Matius 14:14

Icateka' mangé en londéi pakasakéan i Yesus, sérén-Na keli en tou wo mai eng kaupusan-Na ai séra wo sé tou sumakit sinama'-Na.

Matius 24:14

Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”

Matius 3:2

“Mape'diso mangé ang kamesé-meséaan, ampa'paan eng Kakolanoan i Amang Kasuruan makatawio!”

Matius 9:35

Wo si Yesus mangé lumi'cir im pakasa ing kota wo in doo-roong. Sia masusui am balé-walé paapo'an é agama Yahudi wo makua in Abar Kaaruien andumoro' ing Kakolanoan i Amang Kasuruan. Wo Sia ka'i sumama' sé tou sé membam-balinaan en sakit wo sé ra'ica lekep en owak.

Markus 1:14

Kekawus i Yohanes Mabaptis tinangka', si Yesus mai ang Galilea wo kumua in Abar Kaaruien i Amang Kasuruan.

Markus 1:21

Si Yesus wo sé tou makiit Sia icateka' mangé ang Kapernaum. Asi endo Sabat, si Yesus muntep am balé paapo'an é agama Yahudi wo Sia sumusui am bitu.

Markus 1:39

Anaé, si Yesus mangé am pakasa in tampa ang Galilea. Sia kumua in Abar Kaaruien am balé-walé paapo'an éra wo musér sé sétang.

Markus 3:10

Ampa'paan kelio en tou sé sinama'-Na, akar pakasa sé tou sumakit merénké-réngké'an e mai misu' Sia.

Markus 6:2

Asi endo Sabat tumo'tolo Sia masusui am balé paapo'- an é agama Yahudi. Asi témpo itu keli en tou mai luminga Sia, séra mangaya-ngaya'ka' wo kumua “Am bisa réén eng kinéréan-Na waya in anio'? Kapinteran sapa si aiwéé ai Sia? Tumambisa ro'na émaan-Na en tuu-tuus kakaya'kaan taniitu?

Lukas 10:9

Wo samaan angé sé tou sumakit asi kota itu wo icua mangé a sé tou am bitu, ‘Ra'io uré si Amang Kasuruan mai Kumawasa tanu Kolano an uner iow.’

Lukas 13:10

Asi esa endo Sabat, si Yesus masusui an esa walé paapo'an é agama Yahudi.

Lukas 16:16

Eng kitap-kitap sé aipatic i Musa wo eng kitap-kitap sé aipatic é nabi walina, tatap pengapakéné' akar an jaman i Yohanes Mabaptis menonoué'. Wo tumo'tolai an jaman itu en Abar Kaaruien andumoro' ing Kakolanoan i Amang Kasuruan tumo'tolo ipakua-kua wo sé tou uli-ulit rumaméji mamuali tou-Na ang Kakolanoan-Na.

Lukas 20:1

Asi sangando, an tutuw i Yesus masusui a sé tou keli wo makua in Abar Kaaruien am Balé Le'nas, wo mai am bitu sé kikiiten é imam, sé makailek wutul in Torat wo sé matu'a é tou Yahudi.

Lukas 4:14

Si Yesus pakakawasan i Roh Le'nas wo Sia maréng angé ang Galilea. Wo en abar andumoro' si Yesus icaseraro am pakasa in tampa ang Galilea.

Lukas 5:17

Asi makasa an tutuw i Yesus masusui, awéan piraan tou Farisi wo sé makailek wutul in Torat makalukut makalinga Sia. Séra mai am pakasa in doong ang Galilea, Yudea wo ka'i an Yerusalem owo. Eng kawasa i Amang Kasuruan awéano a si Yesus en sumama' sé tou sumakit.

Lukas 6:17

Kumawus in itu, si Yesus wo sé sangapulu' rua murit-Na mewali-wali merosio' in tolaina wo séra mento' an esa ataran. Am bitu imali'uso sé tou keli makii-kiit Sia wo kelian ka'i sé tou walina imai an Yudea owo, ang kota Yerusalem owo wo asé rua kota an tembir in ta'sic makangaran Tirus wo in Sidon.

Lukas 6:6

Asi endo Sabat walina, si Yesus muntep am balé paapo'an é agama Yahudi wo sumusui. Am bitu awéan esa tou eng kamana esa imapalaio.

Lukas 7:21

Asi témpo itu, si Yesus sumama' sé tou keli sé membam-balinaan en sakit si méma' iséra mawendu wo musér ka'i sé roh léwo'. Sia ka'i iméma' kelian sé tou wola ro'na maséré.

Lukas 7:22

Wo en ai sowat i Yesus ai séra, “Maréngo mangé a si Yohanes Mabaptis wo icuao mio' ai sia sapa sé sinéréo miow wo sé liningao miow: si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.”

Lukas 8:1

Kekawus in itu, si Yesus mangé ang kota-kota wo an doo-roong eng kumua in Abar Kaaruien andumoro' ing kakolanoan i Amang Kasuruan. Sé sangapulu' rua murit i Yesus icumiit ang karapi-Na.

Lukas 9:11

Taan kinailekanke' é tou keli en tampa siningkiran angé i Yesus wo sé murit-Na wo sé tou itu mangé kumiit i Sia. Wo teriman i Yesus sé tou keli itu wo icua-Na ai séra andumoro' i Amang Kasuruan kumawasa tanu kolano wo ka'i sumama' sé tou sumakit.

Lukas 9:60

Wo isowat i Yesus ai sia, “Si tou ra'ica maéman a Yaku ipeputé wo sé tou imatéo. Anaé, iwayao mio' sé tou ra'ica maéman a Yaku mangé kumubur si tou imaté. Taan ko mangém wo ipakua-kuao mangé andumoro' ing Kakolanoan i Amang Kasuruan am bisa-wisake'.”

Yohanes 18:20

Isowat i Yesus ai sia, “Ang karapi ra'ica ipaene-enep ipemaa-maar-Ku a sé tou keli ang kayo'baan. Wo ipenusu-nusui-Ku am balé-walé paapo'an é agama Yahudi wo am Balé Le'nas, am pali'usan é tou Yahudi. Ra'ica wana en ayenep-Ku.

Yohanes 6:59

Pakasa en anio' aicua i Yesus ang Kapernaum an tutuw-Na masusui am balé paapo'an é agama Yahudi.

Yohanes 7:1

Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Kisah Para Rasul 18:4

Susur in endo Sabat, si Paulus memaa-maar a sé tou Yahudi wo sé tou Yunani am balé paapo'an é agama Yahudi. Am bitu, raméjinna séra wosama' maéman a si Yesus.

Kisah Para Rasul 20:25

Intarépé' icuaku ai camu sapaoka icamu ra'io meta'up wo yaku. An tutuwku i mewali-wali wo icamu, aicuakuo tambisa e mamuali tou i Amang Kasuruan.

Kisah Para Rasul 28:31

Si Paulus masusui in abar andumoro' i Amang Kasuruan Kumawasa tanu Kolano wo ipasusuina ka'i ai séra andumoro' i Apo' Yesus Kristus. Sia masusui a sé tou ang karapi in da'ica wana eng kaindé'an wo ra'ica wana e mangapéro.

Roma 10:15

Wo tumambisa sé tou mangé kumua in andumoro' Sia, sa ra'ica wana en yutus? Tanu en aipatic ang Kitap Le'nas, “Arui keli sa awéan tou e maai kumua in Abar Kaaruien andumoro' i Yesus Kristus!”