Matius 4:22 - En Taar Weru a nunuwu' é Tontemboan

²² Wo makala'us itela'u éra en londéi wo si amang éra, wo kumiit si Yesus.

Matius 4:22 ပူးပေါင်းရင်းမြစ်များ

Matius 10:37

Si séike' e mengaupus si amang kuma'pa si inangna lumébémai in upusna a Yaku, sia ra'ica patus mamuali tou-Ku. Wo si séike' e mengaupus si toyaangna tuama kuma'pa wéwéné lumébémai in upusna a Yaku, sia itu ka'i ra'ica patus mamuali tou-Ku.

Matius 4:21

Kekawus in itu, si Yesus lumala'us im bawayaan wo kaséréan-Na ka'i sé rua metuari walina toya-toyaang i Zebedeus, sérao si Yakobus wo si Yohanes tuarina, mewali-wali wo si amang éra si ang karoro'an mawutul in lolombo' an untep in londéi. Séra towan i Yesus.

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Markus 1:20

Wo makala'us towan i Yesus séra in dua wo itela'u éra si amang éra Zebedeus an londéi ang karapi é tou sé pate'tekkanna. Kekawus in itu séra kumiit Sia.

Lukas 14:26

“Sa si esa tou uli-ulit kumiit Yaku, sia musti uli-ulit maupus Yaku lumébémai ing kaupusanna a si amangna wo si inangna, a si penanaan i tuama, a sé toyaangna, a sé poo-poowna wéwéné kuma'pa tuama wo ka'i lumébémai ing kaupusanna an owakna in esa. Sa sia ra'ica mengaupus Yaku tanu siitu, sia ra'ica toro mamuali murit-Ku.

Lukas 14:33

Wo icua i Yesus, “Taniitu ka'i kamu, sa kamu masalé' mamuali murit-Ku, weroten owo sumama-sama', sa kamu makawoo tumela'u ing kasiyaan iow kuma'pa ra'ica. Sa kamu ra'ica makawoo, tioo mamuali murit-Ku.”

Lukas 5:11

Kumawus in itu wésoono i Simon wo sé kara-karapina en londé-londéi ang katanaan wo itela'u éra waya en itu wo kumiit si Yesus.

2 Korintus 5:16

Ampa'paan ituo, icami ra'io ka'i numilai sé tou makiit im pakanilai é tou. Indior icami in esa numilai si Kristus makiit im pakanilai é tou, taan intarépé' ra'io ka'i tanu siitu.