Matius 4:21 - En Taar Weru a nunuwu' é Tontemboan

²¹ Kekawus in itu, si Yesus lumala'us im bawayaan wo kaséréan-Na ka'i sé rua metuari walina toya-toyaang i Zebedeus, sérao si Yakobus wo si Yohanes tuarina, mewali-wali wo si amang éra si ang karoro'an mawutul in lolombo' an untep in londéi. Séra towan i Yesus.

Matius 4:21 ပူးပေါင်းရင်းမြစ်များ

Matius 10:2

Sé anioo e ngaran é sangapulu' rua ruru'du'an i Yesus itu: Si kataré Simon si pengatuulen Petrus, Andreas si metuari wo si Simon, Yakobus wo Yohanes toya-toyaang i Zebedeus,

Matius 17:1

Wo kelangkoi angé in enem ngando, iwali i Yesus si Petrus wo sé rua metuari si Yakobus wo si Yohanes sumosor am puruk in esa kuntung rangka'. Am bitu waya iséra in telu ang karapi i Yesus.

Matius 26:37

Wo iwali i Yesus si Petrus wo sé rua toyaang i Zebedeus kumiit ang karapi-Na. Sia tumo'tolo mapendam im bendu wo ra'io makaaté in sama'.

Matius 4:20

Kelinga in itu, makala'us itela'u éra en lolombo' wo kumiit si Yesus.

Matius 4:22

Wo makala'us itela'u éra en londéi wo si amang éra, wo kumiit si Yesus.

Markus 3:17

si Yakobus wo si tuarina Yohanes toyaang i Zebedeus, séra in dua ningaranan-Na ka'i Boanerges eng kaangéanna toyaang in erut,

Markus 5:37

Wo ra'ica kiim i Yesus keli en tou eng kumiit Sia, Sia asalo imakawali si Petrus, si Yakobus, wo si Yohanes si tuari i Yakobus.

Yohanes 21:2

Asi sangando, si Simon Petrus, Tomas si pengatuulen Didimus, si Natanael tou Kana ang Galilea, sé rua toyaang i Zebedeus, wo sé rua murit walina, séra im baya imali'us an tembir in lour itu.

Kisah Para Rasul 12:2

Peréntanna sé touna wosama' si Yakobus si metuari wo si Yohanes patén maké in sa'bel.