Matius 3:7 - En Taar Weru a nunuwu' é Tontemboan

⁷ An tutuw itu ka'i kelian tou Farisi wo Saduki mai a si Yohanes e mekibaptis. Taan aicuanake' ai séra, “Éi kamu tou léwo' kamu meputé wo si ula' rumacu-racung! Paweroten iow réén kamu ro'na icawekar an ukuman si maai sa?

Matius 3:7 ပူးပေါင်းရင်းမြစ်များ

Matius 12:24

Taan tutuw é tou Farisi luminga in itu, icua éra, “Sia mausér sé sétang mapaké ing kawasa i Beelzebul, si kikiiten é sétang.”

Matius 12:34

Éi camu sé taranak i ula' rumacu-racung, tumambisa kamu ro'na kumua sé andumoro' in loor sa kamu in esa léwo'. Ampa'paan sapa en aicua im ba'ba' lumembo an até owo.

Matius 15:12

Wo mai sé murit-Na e mamuéi ai Sia, “Kailekan réén i Guru, sapaoka e nunuwu' i Guru itu sumakito in até é tou Farisi?”

Matius 16:1

Wo mai sé piraan tou Farisi wo Saduki e mangepé' si Yesus. Pangileken éra wosama' ipapaturu'-Na ai séra esa tuus an sorga owo.

Matius 16:6

Icua i Yesus ai séra, “Matéi-téiro wo maténga-téngamo andumoro' i ragi é tou Farisi wo Saduki.”

Matius 22:15

Wo sé tou Farisi mangé menuwu' tumambisa en tuma'kong si Yesus maké wuwuéien.

Matius 22:23

Asi endo' ituke', piraan tou Saduki mai a si Yesus. Paanggapen éra sa sé tou imatéo ra'io kawisa tumou sumawel. Wo wuéien éra a si Yesus:

Matius 22:34

An tutuw é tou Farisi iluminga in aisowat i Yesus akar iméma'o sé tou Saduki ra'io icaroma' sapa-sapa, wo sé tou Farisi itu makala'us mali'us.

Matius 23:33

Éi camu tou léwo', eng kaléwo' miow meputé wo si ula' rumacu-racung, ampa'paan kamu taranak é tou léwo'. Tumambisa kamu ro'na icawekar an ukuman in api ra'ica mape'de-pe'del akar ing kauré-uré?

Matius 5:20

Icua-Ku mangé ai camu, sa ra'ica émaan iow eng kasalé'an i Amang Kasuruan lumébémai asé makailek wutul in Torat wo sé tou Farisi, en ulitna kamu ra'ica kawisa muntep ang Kakolanoan in Sorga.”

Markus 12:13

Kekawus ako in itu, sé kikiiten é agama Yahudi rumu'du' piraan tou Farisi wo sé tou Yahudi sé makiit si colano Herodes en tuma'kong si Yesus, maké im buwuéien.

Markus 12:18

Kekawus in itu, piraan tou Saduki mai a si Yesus. Paanggapen éra sa sé tou imatéo ra'io kawisa tumou sumawel. Wo wuéien éra a si Yesus,

Markus 8:15

Wo ita'néi i Yesus ai séra, “Matéi-téiro wo maténga-téngamo andumoro' i ragi é tou Farisi wo ragi i Herodes.”

Lukas 16:14

Pakasa sé aicua i Yesus itu, pakalingan é tou Farisi sé masalé-salé'ke' in doit itu. Wo icé'ké' éra Sia.

Lukas 18:11

Si tou Farisi itu tumulung tumané mangé wo sumombayang an untep in até tana'i: ‘O Amang Kasuruan, yaku kumua i makapulu'sama' a si Amang Kasuruan, ampa'paan aku ra'ica mepute wo sé tou walina. Yaku ra'ica maandét, yaku ra'ica mengaéma' in léwo' wo ra'ica mengaéma' in sina. Yaku ka'i ra'ica tanu si matagi im pajak itu.

Lukas 7:30

Taan sé tou Farisi wo sé makailek wutul in Torat makélong im pawasa-wasan i Amang Kasuruan ang katouan éra. Sérao sé tou sé ra'ica kiim baptisen i Yohanes Mabaptis.

Yohanes 1:24

Asé tou sé airu'du' itu awéan piraan tou Farisi,

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Yohanes 9:40

Piraan asé tou Farisi am bitu, makalinga sé aipakua i Yesus itu wo icua éra ai Sia, “Sa iciit Ico, wola réén kami?”

Kisah Para Rasul 15:5

Taan am bitu awéan piraan tou Yahudi ang golongan Farisi sé maémano. Séra tumulung wo kumua, “Sé tou ra'ica Yahudi musti sunaten wo kumiit ing kanaramen si aisusui i Musa.”

Kisah Para Rasul 20:31

Ampa'paan in ituo, mareti-retio mangé kamu. Musti pena'né-na'néi iow sapaoka ang kauré in telu ngata'un aku mewali-wali wo icamu, endo wo em bengi kamu pengasina'uenku si esa wo si esa akar en danona im berenku menii-niis.

Kisah Para Rasul 26:5

Uréo séra makatuus yaku. Sa woo séra masalé', séra ro'na sumairi an dior i tuang sapaoka aku uréo menonou mamuali tou Farisi, si golongan wutu-wutul makiit wo mengaéma' in ukum Torat.

Kisah Para Rasul 5:17

Asi témpo itu, si imam wangko' wo sé tou Saduki sé makii-kiit isia, manganat keli a sé ruru'du'an wo tindaken éra.

Roma 1:18

Si Amang Kasuruan an sorga itumuru' ing kae'bowan-Na a sé pakasa in tou sé ra'ica maindé' ai Sia wo sé tou mengaéma' ing kaléwo-léwo'an. Ampa'paan, sé kaléwo-léwo'an ituo en sumépe'd sé tou e makailek in sususuien wutul andumoro' i Amang Kasuruan.

Roma 5:9

Lébé-lébépé' ka'i intarépé' an tutuwta nianggapo wutul i Amang Kasuruan ampa'paano in enda' i Kristus, tantu kita lowiren oka asi kae'bowan-Na.

1 Tesalonika 1:10

Pengasisil éra ka'i en andumoro' tambisa kamu mengento-ngento' si Toyaang i Amang Kasuruan maai a mangé en sorga owo. Siao si Yesus, si tinou-Na sumawel am papaté. Si Yesus itu ka'i en lumowir icita sé maéman ai Sia an ukuman i Amang Kasuruan sa.

Ibrani 11:7

Ampa'paan si Nuh awéan paémanen, sia kinuanan i Amang Kasuruan sapa sé mamuali oka sa, sé ra'ipé' sumangkum ako sinéréna, wo ang karapi ing katale'tekanna émaanna esa kapal wangker en lumowir sé pamaléna asi sonop wangko'. Wo in taniitu ituru'na sapaoka sé tou ang kayo'baan patus ukumen, wo sia in esa tinerima i Amang Kasuruan tanu tou nianggap wutul ampa'paan im paémanenna.

Ibrani 6:18

Anaé, si Amang Kasuruan imééo in janji wo in sumpa-Na. Sé rua itu ra'ica kawisa maroba, ampa'paan si Amang Kasuruan ra'ica kawisa tumowo. Ampa'paan in ituo, kita sé mengaéré in loindongen i Amang Kasuruan, makéré ing kaincayaan keter e mauli-ulit tumimboi im paarapen si an diorta.

1 Yohanes 3:10

Si anioo en tuus toya-toyaang i Amang Kasuruan wo toya-toyaang i kikiiten é sétang: En tou si ra'ica maéma' im butul wo ra'ica mengaupus sé poo-poowna, sia itu ra'ica asi Amang Kasuruan owo.