Matius 3:6 - En Taar Weru a nunuwu' é Tontemboan

⁶ Séra mai mangaku ing kamesé-meséaan éra, wo baptisen i Yohanes séra an doyongan Yordan.

Matius 3:6 ပူးပေါင်းရင်းမြစ်များ

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Markus 1:5

Wo sé tou am pakasa in sangkum in Yudea wo pakasa in tou an Yerusalem mai a si Yohanes. Séra mangaku ing kamesé-meséaan éra wo séra baptisen i Yohanes an doyongan Yordan.

Lukas 1:16

Kelian sé tou Israel akinenna oka e maréng sumawel maéman a si Amang Kasuruan, si Casuruan éra.

Lukas 3:16

Wo icua i Yohanes ai séra, “Baptisenku kamu in dano, taan kekawus yaku maai oka si Tou eng kawasa-Na lumébé mai wo yaku, muka' in tali in sapatu-Na, yaku ra'ica patus. Baptisen-Na oka kamu i Roh Le'nas wo in api.

Kisah Para Rasul 1:5

Si Yohanes Mabaptis, mengabaptis sé tou maké in dano, taan ra'- io uré ka'i kamu baptisen oka i Roh Le'nas.”

Kisah Para Rasul 11:16

Keséré in itu, kata'néiankuo en aicua i Apo' Yesus, ‘Si Yohanes Mabaptis mengabaptis in tou maké in dano, taan kamu baptisen oka i Roh Le'nas.’

Kisah Para Rasul 19:18

Kelian sé ai séra e mamuali tou maéman, mai wo mangaku an dior é tou keli sapaoka séra sumangkumo mengéma-ngéma' tanu siitu.

Kisah Para Rasul 22:16

Wo intarépé', nomoo menguré-ngurépé'! Tumulungo wo iwééo mangé en owakmu baptisen wo mangilek angé a si Casuruan wosama' ampungan-Na eng kamesé-meséaanmu.’

1 Korintus 10:2

Séra im baya nibaptis an untep ing kambung wo an untep in ta'sic, akar séra mamuali makiit si Musa.

Kolose 2:12

Ampa'paan an tutuw iow nibaptis, kamu tanu aicuburo mewali-wali wo si Kristus. Wo ang karapi im baptisan itu, kamu ka'i tinou sumawel mewali-wali wo Sia, ampa'paan kamu maéman asi kawasa i Amang Kasuruan si tumou sumawel si Kristus an uner é tou imaté.

Ibrani 6:2

kuma'pa sususuien in andumoro' im baptisan, sususuien in andumoro' i maro ing kama am bawo in do'kos, sususuien in andumoro' sé tou imaté tumou sumawel, wo sususuien in andumoro' in ukuman akar ing kauré-uré.

Ibrani 9:10

Ampa'paan sé atoran asi ipakaapo' uré itu asalo andumoro' in owak in tou, tanumai atoran andumoro' ing kakanen, in elepen wo mengaweresi in owak, taan sé atoran itu ra'ica andumoro' in até in tou. Sé atoran itu pengapakén akarke' asi oras em perjanjian weru itu awéano.

Yakobus 5:16

Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.

1 Yohanes 1:9

Taan sa pangakunta eng kamesé-meséaanta ai Sia, tantu kita ampungan-Na. Sia wutu-wutul le'tek an janji-Na wo ra'ica marapit, ampa'paan in ituo ampungan-Na oka eng kamesé-meséaanta wo le'nasen-Na oka kita asé kaléwo-léwo'an sé niéma'ta.