Matius 3:2 - En Taar Weru a nunuwu' é Tontemboan

² “Mape'diso mangé ang kamesé-meséaan, ampa'paan eng Kakolanoan i Amang Kasuruan makatawio!”

Matius 3:2 ပူးပေါင်းရင်းမြစ်များ

Matius 10:7

Mangém wo yabaro ai séra, ‘Makatawio en orasna si Amang Kasuruan kumawasa tanu Kolano.’

Matius 11:20

Wo tumo'tolo si Yesus tumegor in depet sé tou ang kota-kota sé ra'ica mape'dis, mandé ka'i am bitu Sia makakeli-keli maéma' ing kakaya'kaan.

Matius 12:41

Asi endo kaka'puan ing kayo'baan, sé tou Niniwe touen oka sumawel mewali-wali wo icamu sé menonou intarépé' wo séra oka e makim icamu. Ampa'paan sé tou Niniwe mape'diso an tutuw éra luminga in aicua i Yunus. En ulitna, an dior iow awéan Aku si lumébémai wo si Yunus, taan kamu ra'ica mape'dis!

Matius 13:11

Isowat i Yesus, “Si Amang Kasuruan imééo mai ing kamang tatambér ai camu e makailek in sususuien sé icaenepé' andumoro' ing Kakolanoan in Sorga, taan ai séra ra'ica.

Matius 13:24

Wo sisil i Yesus ka'i esa andéan walina a sé tou keli itu, icua-Na, “Eng Kakolanoan in Sorga ayandé tanu si tou mawuras in lulumbo loor an umana.

Matius 13:31

Wo isisil ka'i i Yesus esa andéan walina ai séra, icua-Na, “Eng Kakolanoan in Sorga ayandé tanu im batuna si tumeki-tekic, niindo i esa tou wo mangé yusewna an umana.

Matius 13:33

Awéan ka'i andéan walina en aisisil i Yesus ai séra, “Eng Kakolanoan in Sorga ayandé ka'i tanu i ragi si niindo i esa wéwéné wo icemuna an topong epat ngapulu' liter akar ruméis waya.”

Matius 13:47

“Taniitu ka'i eng Kakolanoan in Sorga itu ayandé tanu in lolombo' wangker si ailombo' an ta'sic wo makéré sera' sé membam-balinaan.

Matius 13:52

Wo icua i Yesus ai séra, “Ampa'paan in itu, susur é makailek wutul in Torat sé tumerimao in sususuien andumoro' ing Kakolanoan in Sorga itu, séra ayandé tanu si makawalé cumesot ing kasiyaan weru wo si uré asi tampa pengaémaanna ing kasiyaan.”

Matius 18:23

Musti émaanmu tanu siitu, ampa'paan andumoro' ing Kakolanoan in Sorga meputé wo in andéan anio': Awéan si esa kolano imurus in utang é atana ai sia.

Matius 20:1

Icua i Yesus, “Taniitu ka'i andumoro' ing Kakolanoan in Sorga meputé wo in andéan anio'. Awéan esa tou maka- uma wo en umana niusewan in anggor. Matawi mando, sia kumesot e mangéré tou mangé tumawoi an uma in anggorna.

Matius 22:2

“Eng Kakolanoan in Sorga meputé wo si andéan anio': Awéan esa kolano méma' im pésta kawéng i toyaangna.

Matius 23:13

“Icawangkuro mio' kamu sé makailek wutul in Torat wo sé tou Farisi! Kamu anio' tou punek. Ampa'paan pengakalaan iowke' sé tou masalé' muntep ang Kakolanoan in Sorga. Icamu in esa ra'- ica kiim muntep ang Kakolanoan in Sorga, akar pengakalaan iow sé tou masalé' muntep ang Kakolanoan in Sorga. [

Matius 25:1

“Eng Kakolanoan in Sorga meputé wo in andéan anio': awéan sangapulu' mangala'un mindo in sosoloan mangé sumungkul si tuama kumawéng.

Matius 25:14

“Eng Kakolanoan in Sorga meputé wo si andéan anio': awéan si esa tou maya' manangkéi. An tutuwna ra'ipé' imangé, li'usenna sé atana wo itokéna ai séra eng kasiyaanna.

Matius 4:17

An tutuw itu si Yesus tumo'tolo kumua a sé tou, “Mape'diso mangé, ampa'paan eng Kakolanoan i Amang Kasuruan makatawio!”

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Matius 5:10

Pakakamangen sé tou paoko-okoien ampa'paan maéma' ing kasalé'an i Amang Kasuruan, ampa'paan sérao e makaanu ing Kakolanoan in Sorga.

Matius 5:3

“Pakakamangen sé tou lengéi an dior i Amang Kasuruan, ampa'paan sérao e makaanu ing Kakolanoan in Sorga.

Matius 6:10

mayoo si Amang kumawasa tanu Kolano ami, mamualio eng kasalé'an-Mu ang kayo'baan meputé an sorga.

Matius 6:33

Anaé, pangérén owo eng Kakolanoan i Amang Kasuruan wo eng kasalé'an-Na, wo pakasa em paperlun iow itu yawes-Na oka ai camu.

Markus 1:15

Wo icua-Na, “En témpona imalekepo, eng Kakolanoan i Amang Kasuruan makatawio. Anaé, mape'diso wo émanenno mangé en Abar Kaaruien i Amang Kasuruan.”

Markus 1:4

Wo si Yohanes Mabaptis mai an tana' kapayasan wo icuana, “Mape'diso mangé ang kamesé-meséaan wo iwééo mio' en owak iow im baptisen wosama' eng kamesé-meséaan iow ampungan oka.”

Markus 6:12

Kekawus in itu, mangéo cua éra a sé pakasa in tou wosama' séra mape'dis.

Lukas 1:16

Kelian sé tou Israel akinenna oka e maréng sumawel maéman a si Amang Kasuruan, si Casuruan éra.

Lukas 11:20

Taan sa Aku musér si sétang maké ing kawasa i Amang Kasuruan, en ulitna si Amang Kasuruan Kumawasao tanu Kolano an uner iow.

Lukas 13:3

Icua-Ku ai camu ra'ica! Taan weroten iow sumama-sama', sa kamu ra'ica mape'dis ang kamesé-meséaan, icamu im baya ka'i maté oka tanu iséra.

Lukas 13:5

Icua-Ku ka'i ai camu ra'ica! Sa kamu ra'ica mape'dis ang kamesé-meséaan, kamu im baya maté oka ka'i tanu iséra.”

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Lukas 15:7

Icua-Ku ai camu, taniitu ka'i pakasa sé a mangé en sorga séra maaru-arui oka sa awéan esa tou ang kamesé-meséaan mape'dis. Séra lébé arui ampa'paano i esa tou si mape'diso itu, wotaré sé siow ngapulu' siow tou sé mengaéma'o im butul sé ra'io sangali mape'dis.”

Lukas 16:30

Wo isowat i tou siya' itu, ‘Ra'ica awes é amang Abraham. Taan sa awéan tou tumou sumawel am papaté wo mangéna pokéian séra, tantu séra mape'dis oka ang kamesé-meséaan.’

Lukas 21:31

Taniitu ka'i sa sérén iow in andumoro' sé aicua-Ku tarépé' itu mato'tolo mamuali, kailekano miow sapaoka makatawio si Amang Kasuruan maai Kumawasa tanu Kolano.

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Lukas 6:20

Wo sérén i Yesus sé murit-Na wo kumua, “Pakakamangen kamu sé tou lengéi, ampa'paan icamuo e makaanu ing Kakolanoan i Amang Kasuruan.

Lukas 9:2

Kumawus angé in itu, yutus-Na séra mangé kumua in abar andumoro' i Amang Kasuruan Kumawasa tanu Kolano wo ka'i sumama' sé tou sumakit.

Kisah Para Rasul 11:18

Kelinga in itu, sé tou Yahudi sé maémano a si Yesus ra'io ka'i tumantang si Petrus. Wo séra rumayo si Amang Kasuruan wo kumua, “Anaé, sé tou ra'ica Yahudi ka'i tinambérano mai i Amang Kasuruan kamang e mape'dis wo makéré ing katouan akar ing kauré-uré.”

Kisah Para Rasul 17:30

Indior ra'ipé' kailekan é tou tambisa en lalan kumiit si Amang Kasuruan, wo pakasa en itu ra'io ka'i ta'néien-Na. Taan intarépé' pinerénta-Nao wosama' am bisa-wisake' pakasa en tou musti mape'dis ang kaléwo-léwo'an.

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Kisah Para Rasul 20:21

Pengua-nguaku a sé tou Yahudi wo a sé tou ra'ica Yahudi wosama' séra mape'dis wo kumiit a si Amang Kasuruan wo séra musti maéman a si Apo' Yesus.

Kisah Para Rasul 26:20

Wo icuaku waya en itu kataré-taré a sé tou Yahudi an Damsyik, an Yerusalem wo am pakasa in tampa an tana' Yudea wo ka'i a sé tou ra'ica Yahudi. Icuaku ai séra, sapaoka musti mape'dis ang kamesé-meséaan wo maémano mangé a si Amang Kasuruan wo menonou makiit ing kasalé'an-Na tanu tuus sa séra imape'diso.

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

2 Korintus 7:10

Ampa'paan eng kawenduan in até si casalé' i Amang Kasuruan méé wuéna ing kape'disan e maali mai ing kalowiran. Taan eng kawenduan asi cayo'baan anio' sé ra'ica wana eng kape'disan, makawali sé tou am papaté.

Kolose 1:13

Kita aiwekaro i Amang Kasuruan asi kawasa ing kariréimbengan wo yéra-Na ang Kakolanoan i Toyaang-Na si caupus-Na keli.

2 Timotius 2:25

Sia musti masusui ang karapi ing ko'kos en até a sé tou sé mengasundur in sususuien wutul. Sia musti mengaéma' in taniitu ampa'paan sa si Casuruan méé mai témpo ai séra, séra ro'na mape'dis akar séra ro'na makailek in sususuien wutul itu.

Ibrani 6:1

Ampa'paan in ituo, mayoo tela'uta em patuuran in sususuien en andumoro' i Kristus wo melala'uso in sususuien si rumangka'mai wosama' em paémanenta makaketer. Tioo penguri-ngurin em patuuran in sususuien itu, tanumai sususuien in andumoro' i mape'dis mengéma-ngéma' in léwo', wo sususuien in andumoro' tumambisa maéman a si Amang Kasuruan,

2 Petrus 3:9

Awéan tou mawerot si Amang Kasuruan mauré-urépé' lumekep in janji-Na sapaoka si Kristus maai sumawel, taan en ulitna Sia talesen mengento-ngento' icamu mape'dis ampa'paan ra'ica icasalé'-Na sa awéan esake' ai camu meta'up im papaté. Taan en icasalé'-Na wosama' pakasa in tou ra'io mengéma-ngéma' ing kamesé-meséaan wo maréng sumawel méma' ing kasalé'an-Na.

Wahyu 2:21

Winéan-Kuo témpo si wéwéné itu e mape'dis, taan ra'ica yento'na mengéma-ngéma' sé andumoro' in cabul.

Wahyu 2:5

Ampa'paan in itu, ta'néieno am bisa owo en linepokan iow wo mape'diso mangé. Wo émaano mangé tanu sé niéma' miow indior tutuw iow werupé' maéman. Sa kamu ra'ica mape'dis, Yaku maai oka ai camu, wo mindo in totombol patuliran in sosoloan iow an tampana.