Matius 28:8 - En Taar Weru a nunuwu' é Tontemboan

⁸ Wo makala'us itela'u éra eng kubur itu ang karapi in indé' wo uli-ulit arui. Séra repet matéron mangé kumua waya in itu a sé murit i Yesus.

Matius 28:8 ပူးပေါင်းရင်းမြစ်များ

Matius 28:7

Anaé, mario-rioro mangé kamu eng kumua a sé murit-Na sapaoka Sia itumouo sumawel an uner é tou é matéo. Wo Sia irumioro mangé ai camu ang Galilea. A mangé mbitu oka kaséréan iow Sia. Ta'néieno waya sé aicuaku anio' ulit!”

Matius 28:9

Tumarépé'anke'mai si Yesus ipeta'upo éra wo kumua, ‘Siri' ai camu’. Wo susuten éra Sia, keresen éra eng kécéi-Na wo kumuru en sumiri' Sia.

Markus 16:8

Kekawus ako in itu, séra makala'us kumesot ang kubur itu wo tumincas ampa'paan maindé'o keli wo mangaya-ngaya'ka'. Wo séra ra'ica kumua in sapa-sapa a sé tou ampa'paan séra maindé'o. [Wo icua éra ang karapi in da'ica lambot pakasa en taar itu a si Petrus wo sé kara-karapina. Kumawus itu, ampa'paan in taar i Yesus in esa a sé murit-murit-Na, wo mangé icua éra waya en taar-Na itu am pakasa ing kayo'baan tumo'tol a micona akar an tempok ako. En abar itu le'nas wo ra'ica kawisa maka'pu, siituo en abar andumoro' ing kalowiran akar ing kauré-uré.]

Yohanes 16:20

En ulitna icua-Ku mangé ai camu, an tutuw-Ku i maangém a si Amang, paamé'an iow oka Aku akar in sesendu'an, taan sé tou ang kayo'baan sé ra'ica maéman a Yaku maaru-arui oka. Wo kamu mawendu oka, taan eng kawenduan iow sawelan oka mai ing kaaruian.

Yohanes 16:22

Tanu siituo ka'i en até miow intarépé' mawendu keli. Taan Aku meta'up oka sumawel ang karapi miow wo en até miow maarui oka, wo ra'ica wana tou e ro'na mandét ing kaaruian in até miow.