Matius 28:6 - En Taar Weru a nunuwu' é Tontemboan

⁶ Sia ra'io am bia'i, Sia itumouo sumawel tanu sé sumangkumo aicua-Na. Mayo, séréno mai en tinekelan i mayat-Na.

Matius 28:6 ပူးပေါင်းရင်းမြစ်များ

Matius 12:40

Ampa'paan kaputé i nabi Yunus mento' an untep im poot i sera' wangker telu ngando wo telu ngawengi, taniituo ka'i mai si Toyaang i Tou mento' oka an untep ing kubur telu ngando wo telu ngawengi.

Matius 16:21

Tumo'tolai asi témpo itu, ipengua-ngua i Yesus a sé murit-Na sapaoka Sia musti maangé an Yerusalem, wo mamuléng oka ing keli kawenduan asé matu-matu'a é tou Yahudi, sé kikiiten é imam, sé makailek wutul in Torat owo, wo patén éra taan a si endo katelu Sia tumou sumawel.

Matius 17:23

Wo Sia patén éra oka, taan asi endo katelu Sia touen oka sumawel.” An tutuw lingan éra en aicua-Na, en até éra mawendu keli.

Matius 17:9

An tutuw éra maperos ing kuntung, icua i Yesus ai séra, “Ra'ipé' toro icua miow a sé tou walina sapa en sinéré miow tarépé'! Icua oka miow en itu sa si Toyaang i Tou tumouo sumawel an uner é tou imaté.”

Matius 20:19

Isarakan éra oka Sia a sé bangsa ra'- ica Yahudi wosama' Sia para'i-ra'ien, samboken wo isalip éra. Taan asi endo katelu Sia touen oka sumawel.”

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Markus 16:6

Wo icua i mangalitou itu ai séra, “Kamu ra'ica toro maindé'! Kailekanku sapaoka kamu maéré-éré si Yesus, si tou Nazaret si aisalip éra itu. Sia tinouo sumawel wo ra'io ka'i am bia'i. Sérén iow! Si tampa anio' en tinekelan i mayat-Na.

Markus 8:31

An tutuw itu, tumo'tolo si Yesus sumusui ai séra sapaoka si Toyaang i Tou musti muléng ing keli kawenduan wo icélong oka é matu-matu'a é tou Yahudi, kikiiten é imam wo sé makailek wutul in Torat, wo Sia patén oka taan asi endo katelu Sia tumou sumawel.

Lukas 24:12

Mandé in taniitu, si Petrus makala'us tumulung wo tuméron angé ang kubur itu. Icateka' mangé am bitu, sia kumuru wo suméré in an untep, sérénna waya oka ing kaéng si pinaké aisaput a mayat i Yesus. Wo sia maréng sumawel wo memué-muéi an untep in aténa, ‘Sapa réén si mamualio?’

Lukas 24:23

taan e mayat-Na ra'ica aipeta'up éra. Wo séra maréngai ai cami wo kumua sapaoka séra asalo isuméré sé malaékat wo icua é malaékat itu sapaoka si Yesus tumouo sumawel.

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Yohanes 10:17

Si Amang-Ku mengaupus Yaku, ampa'paan aisarakan-Ku en owak-Ku wosama' Aku touen sumawel.

Yohanes 2:19

Isowat i Yesus ai séra, “Sa tongkaren iow em Balé Le'nas anio', wangunen-Ku oka sumawel asi teluke' ngando.”

Kisah Para Rasul 2:24

Taan Sia tinou sumawel i Amang Kasuruan wo iwekar-Na asi kawenduan im papaté ampa'paan em papaté ra'ica makawoo kumawasa Sia.