Matius 28:15 - En Taar Weru a nunuwu' é Tontemboan

¹⁵ Wo indon é suraro itu en doit wo émaan éra tanu si airu'du' ai séra. Wo akar intarépé' ipasisil é tou Yahudi sapaoka e mayat i Yesus rinombit é murit-Na.

Matius 28:15 ပူးပေါင်းရင်းမြစ်များ

Matius 26:15

Wo icuana ai séra, “Sapa em béé oka miow a yaku sa si Yesus isarakanku ai camu?” Wo wéran éra ai sia telu ngapulu' roit pérak.

Matius 27:8

Ampa'paano in itu, akar intarépé' en tana' itu patuulen é tou Tana' in Enda'.

Matius 9:31

Taan an tutuw éra in dua kumesot asi walé itu, mangé sisil éra en abar andumoro' i Yesus am pakasa in sangkum itu.

Markus 1:45

Taan mangéke' taré ipenisi-nisil i tou itu am bisa-wisa sapa e imamuali ai sia, akar si Yesus ra'io toro ka'i mapaturu-turu' in owak an untep ing kota. Sia asalo oka maento' an tampa-tampa lulu in tou ang kesot ing kota. Mandé ka'i in taniitu, sé tou am bisa-wisa menga-ngaike' a si Yesus.

1 Timotius 6:10

Icuaku in taniitu ampa'paan, sa sé tou longi' in doit, am bituo en tino'tolan ing kaléwo-léwo'an. Séra ka'i ra'io masalé' kumiit in sususuien i Yesus ampa'paan séra rumaméji masiya'. Wo eng kasiwakanna séra makéré keli kawenduan e méma' in até éra sumakit.