Matius 28:10 - En Taar Weru a nunuwu' é Tontemboan

¹⁰ Wo icua-Na ai séra, “Tioo maindé'. Mangéo icua miow a sé poo-poow-Ku, wosama' séra mangé ang Galilea. A mangé mbitu oka sérén éra Aku.”

Matius 28:10 ပူးပေါင်းရင်းမြစ်များ

Matius 14:27

Taan makala'us icua i Yesus ai séra, “Meneso! Si anioo Aku, tioo maindé'.”

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Matius 25:45

Isowat-Na oka ai séra in tana'i, ‘En ulitna icua-Ku mangé ai camu, an tutuw iow ra'ica itumawang esaan asé poo-poow-Ku si ipawawa-wawa', en itu meputé kamu ra'ica itumawang Yaku.

Matius 26:32

Taan sa Aku tumouo sumawel, Yaku en dior wo icamu maangé ang Galilea.”

Matius 28:16

Sé sangapulu' esa murit i Yesus mangé ang Galilea asi esa tolaina tanu si airu'du' i Yesus en angéan éra.

Matius 28:5

Icua i malaékat a sé wéwéné itu, “Tioo kamu maindé'! Kailekanku kamu maéré-éré si Yesus si aisalip itu.

Matius 28:7

Anaé, mario-rioro mangé kamu eng kumua a sé murit-Na sapaoka Sia itumouo sumawel an uner é tou é matéo. Wo Sia irumioro mangé ai camu ang Galilea. A mangé mbitu oka kaséréan iow Sia. Ta'néieno waya sé aicuaku anio' ulit!”

Matius 28:9

Tumarépé'anke'mai si Yesus ipeta'upo éra wo kumua, ‘Siri' ai camu’. Wo susuten éra Sia, keresen éra eng kécéi-Na wo kumuru en sumiri' Sia.

Markus 16:7

Anaé intarépé', mangéo icua a sé murit-Na wo a si Petrus, tana'i, ‘Si Yesus itumouo sumawel wo Sia irumioro mangé ang Galilea. A mangé mbitu sérén iow oka Sia, tanu si sumangkumo aicua-Na ai camu.’ ”

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Yohanes 6:20

Taan icua i Yesus ai séra, “Si anioo Aku, tioo maindé'!”

Roma 8:29

Ampa'paan pakasa en tou sé sinisir i Amang Kasuruan asi kataré-taré, séra itu aitantu-Nao tumo'tol asi kataré-taré e mamuali meputé wo si Toyaang-Na, wosama' Sia mamuali Toyaang luluna asé kelian poow.