Matius 27:64 - En Taar Weru a nunuwu' é Tontemboan

⁶⁴ Ampa'paano in itu, pekiupusen ami, ru'du'o mangé suraro en tuméir ing kubur i Yesus akar asi endo katelu. Sa ra'ica téiran, e mayat-Na ro'nake' mai rombiten é murit-Na wo ipakua-kua éra oka a sé tou sapaoka si Yesus itumou sumawel an uner é tou imatéo. Eng kasiwakana, lébé keli ka'i en tou sé sumélé'kow oka, wo an tutuw-Na imenonou.”

Matius 27:64 ပူးပေါင်းရင်းမြစ်များ

Matius 12:45

Wo mangéna uwasen sé pitu roh walina sé lumébémai eng kaléwo' wo isia. Wo séra muntep wo mento' am bitu. Sumiwak angé em peri i tou itu lumébéomai eng kaléwo'na asi cataré. Taniitu ka'i e mamuali a sé tou léwo' anio'.”

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Matius 27:65

Wo icua i Pilatus ai séra, “Wééku oka sé suraro anio' ai camu. Mangéo wo téiran sumama-sama' eng kubur itu.”

Matius 28:13

wo icua éra a sé suraro itu, “Musti icua miow a sé tou in tana'i, ‘Sé murit i Yesus mai ang katoora im bengi e rumombit i mayat-Na an tutuw ami kinakili'an.’

1 Tesalonika 2:3

An tutuw ami makua in Abar Kaaruien itu, kami ra'ica masusui in sususuien sé mengasélé'kow. Kami ra'ica mengawasa-wasa in léwo' wo ra'ica kiim mengauwak sé tou.