Matius 27:56 - En Taar Weru a nunuwu' é Tontemboan

⁵⁶ An uner éra awéan si Maria Magdalena, Maria inang i Yakobus wo si Yusuf, wo ka'i penanaan i Zebedeus.

Matius 27:56 ပူးပေါင်းရင်းမြစ်များ

Matius 13:55

Ra'ica réén Sia itu toyaang i bas ing kayu? Ra'ica réén si inang-Na si Maria wo sé mepoow wo Sia si Yakobus, si Yusuf, si Simon wo si Yudas?

Matius 27:61

Taan si Maria Magdalena wo si Maria walina mento' am bitu makalukut an dior ing kubur itu.

Matius 28:1

Kelangkoi angé in endo Sabat, an tutuw imatawio mando asi endo kataré in duminggu itu, si Maria Magdalena wo si Maria walina mangé suméré ing kubur i Yesus.

Markus 15:47

Ang karoro'an in itu, winéano rékén i Maria Magdalena wo si Maria inang i Yoses en tampa kinuburan si Yesus.

Markus 16:9

Asi endo kataré an duminggu itu i mamoondo keli tutuw i Yesus tumou sumawel, kataré-taré Sia mangé mapaturu' in owak-Na a si Maria tou Magdala. Si Yesus sumangkumo musér sé pitu sétang kumesot ai sia.

Lukas 24:10

Sé wéwéné itu si Maria tou Magdala, si Yohana, si Maria inang i Yakobus wo ka'i sé wéwéné walina sé mewali-wali wo iséra. Séra im bayao eng kumua ing kinamamualian itu a sé murit i Yesus sé patuulen ruru'du'an.

Lukas 8:2

Taniitu ka'i sé piraan wéwéné sé sumangkumo sinama'-Na asé roh léwo' wo in sakit, icumiit ka'i si Yesus. Esaan ai séra awéan si makangaran Maria tou Magdala si sinama'-Nao asé pitu roh léwo'.

Yohanes 19:25

Wo an duru in salip i Yesus makatulung si inang-Na, wo si wéwéné poow i inang-Na, wo si Maria penanaan i Klopas, wo si Maria Magdalena.

Yohanes 20:1

Asi endo kataré asi duminggu itu, imamoondopé' keli wo ruméimbengé', si Maria Magdalena mangé ang kinuburan i Yesus. Séréna em batu aipénet ang kubur itu miléio.

Yohanes 20:18

Kumawus in itu si Maria Magdalena mangé a sé murit i Yesus, wo icuana ai séra, “Sinérékuo si Tuang!” Wo isisilna waya ai séra sapa sé aicuao i Yesus ai sia.