Matius 27:43 - En Taar Weru a nunuwu' é Tontemboan

⁴³ Sia maéman a si Amang Kasuruan, wo isumangkumo icumua sa Sia itu Toyaang i Amang Kasuruan. Anaé, intarépé' mandéo Sia lowiren i Amang Kasuruan, sa icasalé'-Na.”

Matius 27:43 ပူးပေါင်းရင်းမြစ်များ

Matius 27:40

Icua éra ai Sia, “Éi! Icua-Mu kiné Ko ro'na tumongkar im Balé Le'nas wo wangunen-Mu sumawel asi telu ngandoke'. Sa uli-ulit Ko Toyaang i Amang Kasuruan, tumumpao mai asi salip itu wo lowireno en owak-Mu in esa.”

Matius 27:54

Si kikiiten é suraro wo sé surarona sé makatéir si Yesus, séra maindé' keli an tutuw i makaséré im pangéro' repet wo pakasa sé mamuali. Wo icua éra, “Si Tou anio', uli-ulit Toyaang i Amang Kasuruan!”

Lukas 23:35

Keli sé tou makatulung am bitu wo sinéré éra waya sapa sé imamuali. Ang karoro'an in itu, sé kikiiten é tou Yahudi maséro' Sia, icua éra: “Sé tou walina ro'na lowiren-Na, intarépé', sa Sia wutu-wutul Mesias, Tou sinisir i Amang Kasuruan, mandéo Sia lumowir in owak-Na in esa.”

Lukas 23:37

wo kumua, “Sa Ko kolano é tou Yahudi, lowireno mangé en owak-Mu!”

Yohanes 10:30

Yaku wo si Amang-Ku esa.”

Yohanes 10:36

kéitu réén ipakua miow Aku maojat si Amang Kasuruan, tutuw-Ku makua Yaku anio' Toyaang i Amang Kasuruan? Yaku si sinisir-Na wo ayutus-Na mai ang kayo'baan.

Yohanes 19:7

Wo icua é tou Yahudi itu a si Pilatus, “Icami awéan ukum, sa kumiit in ukum itu, Sia musti ukumen im patén, ampa'paan Sia mawerot en owak-Na Toyaang i Amang Kasuruan.”