Matius 27:35 - En Taar Weru a nunuwu' é Tontemboan

³⁵ Kekawus éra sumalip Sia, wéténgen éra eng karai-Na ang kerapi in lumotréi.

Matius 27:35 ပူးပေါင်းရင်းမြစ်များ

Lukas 23:34

Wo si Yesus sumombayang, “O Amang, ampunganai séra, ampa'paan ra'ica kailekan éra sapa em pengaémaan éra.” Wo pewéténgen éra eng karai i Yesus ang kerapi in lumotréi.

Yohanes 20:20

Kekawus-Na kumua in taniitu, ituru'-Na ai séra eng kama wo em petic-Na. Sé murit-Na arui an tutuw éra suméré si Apo' Yesus.

Yohanes 20:25

Wo icua é murit itu a si Tomas, “Sinéréo ami si Tuang!” Taan icua i Tomas ai séra, “Sa ra'ipé' sinéréku eng kalat pinakuan am palara ing kama-Na, wo ra'ipé' aitopokku en tuturu'ku ang kalat im pinakuan itu, wo ra'ipé' aitopokku en tuturu'ku am petic-Na, wutu-wutul ra'ipé' percayanku.”

Yohanes 20:27

Wo icua-Na a si Tomas, “Iweta'o mai en tuturu'mu am bia'i wo séréno mai eng kama-Ku. Yuluro mai eng kamamu wo itopoko mai am petic-Ku. Tioo ka'i ko ra'ica mercaya, taan percayano mai!”

Kisah Para Rasul 2:23

Si Yesus anio' aisarakano i Amang Kasuruan ai camu kiit im basa-Na. Wo Sia aisalip wo pinatéo miow ang karapi in sumarakan Sia a sé tou sé ra'ica makiit in ukum.

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.