Matius 27:31 - En Taar Weru a nunuwu' é Tontemboan

³¹ Kumawusai séra menéro-néro' Sia wo wukaan éra en juba pares si pakakaraien-Na wo karaian éra sumawel ing karai-Na kataré. Wo iwali éra mangé Sia ang kesot ing kota e mangé isalip.

Matius 27:31 ပူးပေါင်းရင်းမြစ်များ

Matius 20:19

Isarakan éra oka Sia a sé bangsa ra'- ica Yahudi wosama' Sia para'i-ra'ien, samboken wo isalip éra. Taan asi endo katelu Sia touen oka sumawel.”

Matius 21:39

Wo tangkaan éra si toyaang i makauma itu, wo iwangkil éra ang kesot in uma wo patén éra.

Matius 26:2

“Kailekan iow, en endo wangko' Paska waya oka i rua ngando wo si Toyaang i Tou isarakan oka in salipen.”

Yohanes 19:16

Wo isarakan i Pilatus si Yesus a sé suraro e mangé isalip. Wo si Yesus iwali é suraro e mangé isalip.

Yohanes 19:27

Wo icua-Na a si murit icaupus-Na itu, “Si anioo si inangmu!” Tumo'tolke' asi tempo' itu, si inang i Yesus tinerima i murit itu mento' am baléna.

Kisah Para Rasul 7:58

Wo wésoon éra sia kumesot ang kota wo wangkilen éra im batu. Sé tou mamuali sairi am bitu, séra muka' in juba éra wo iweta' éra an dior ing kécéi i esa mangalitou si makangaran Saulus.

Ibrani 13:12

Siituo imangémai si Yesus mawendu wo imaté ang kesot im papalen wangker ing kota Yerusalem e meresi ing kamesé-meséaan é tou ang karapi in enda'-Na in esa.